News Summary
Generated by OK AI. Editorially reviewed.- राष्ट्रिय स्वतन्त्र पार्टी बागलुङको अधिवेशनबाट पुनम शर्मा सभापतिमा चयन भए पनि नेतृत्व चयनमा विवाद उत्पन्न भएको छ ।
- सभापतिका आकांक्षी ढालेन्द्र माझीसहित असन्तुष्ट पक्षले नयाँ नेतृत्वलाई अस्वीकार गर्दै पार्टी केन्द्रमा उजुरी दिएका छन् ।
- उजुरी परेपछि रास्वपाले बागलुङलाई अधिवेशन सम्पन्न नभएका जिल्लाहरूको सूचीमा राखेको छ ।
२५ जेठ, काठमाडौं । राष्ट्रिय स्वतन्त्र पार्टी (रास्वपा) बागलुङको अधिवेशनबाट नयाँ नेतृत्व चयन गरिएको भनिएपनि विवाद भएको छ ।
शनिबार भएको जिल्ला अधिवेशनले पुनम शर्मा सभापतिमा सर्वसम्मत् चयन भएका गरिएको थियो ।
असन्तुष्ट पक्षले शर्माको नेतृत्वलाई अस्विकार गर्दै केन्द्रमा उजुरी दिएको छ । सभापतिका आकांक्षी समेत रहेका उपसभापति ढालेन्द्र माझीले केन्द्रलाई जानकारी गराएको बताए ।
‘उहाँ पार्टी संगठनमा काम गरेको व्यक्ति पनि होइन । नयाँ व्यक्ति ल्याएर सभापति बनाइयो,’ माझीले अनलाइनखबरसँग भने,‘उहाँलाई मैले नै चिन्दिन । हामीले यो बारेमा केन्द्रलाई जानकारी गराएका छौं ।’
प्रतिनिधि सभा सदस्यद्वय संघीय सांसद सोम शर्मा, सुशील खड्काको उपस्थितिमा भएको प्रथम अधिवेशनले सभापतिमा शर्माको नाम घोषणा गरिएको थियो । हालका सभापति महेन्द्र खड्काले सर्वसम्मत् चयन गरिएको तर हाल विवाद निकालिएको बताएका छन् ।
‘त्यो बेला सर्वसम्मत गर्न सबै साथीहरु तयार हुनुभएको हो । अहिले किन विवाद निकाल्नुभयो । थाहा भएन ।’
रास्वपाले गण्डकीका जिल्लाहरु मध्ये मनाङ र मुस्ताङको अधिवेशन हाल नगर्ने निर्णय गरेको थियो । उजुरी परेपछि बागलुङमा अधिवेशन सम्पन्न नहुने जिल्लाहरुको सूचीमा रास्वपाले राखेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4