News Summary
Generated by OK AI. Editorially reviewed.- नेपाल विद्युत् प्राधिकरणले मोरङको केरौन सबस्टेशनमा उपकरण परीक्षण र प्रसारण लाइन निर्माणका लागि साउन २३ गते १२ घण्टा विद्युत् सेवा बन्द गर्ने भएको छ।
- शनिबार बिहान ४ बजेदेखि दिउँसो ४ बजेसम्म झापा, इलाम, पाँचथर, ताप्लेजुङ र मोरङका केही क्षेत्रमा विद्युत् आपूर्ति पूर्ण रूपमा प्रभावित हुनेछ।
- प्राधिकरणले तोकिएको प्राविधिक कार्य सम्पन्न भएलगत्तै विद्युत् सेवा पुनः सुचारु गरिने र असुविधाप्रति क्षमायाचना गर्दै सहयोगका लागि सेवाग्राहीसँग आग्रह गरेको छ।
२२ साउन, काठमाडौं । शनिबार पूर्वी नेपालका चार जिल्लासहितका क्षेत्रमा १२ घण्टा विद्युत् आपूर्ति बन्द हुने भएको छ ।
झापा, इलाम, पाँचथर र ताप्लेजुङ जिल्लाका सम्पूर्ण क्षेत्र तथा मोरङको उर्लाबारी, पथरी र आसपासका क्षेत्रमा विद्युत् आपूर्ति प्रभावित हुने भएको हो ।
नेपाल विद्युत् प्राधिकरणले मोरङस्थित केरौन १३२/३३ केभी सबस्टेशनको उपकरण परीक्षण तथा सञ्चालन र दुहबी–दमक १३२ केभी प्रसारण लाइन निर्माण कार्यका कारण विद्युत् आपूर्ति अस्थायी रुपमा बन्द गर्न लागेको हो ।
प्राधिकरणका अनुसार साउन २३ गते शनिबार बिहान ४ बजेदेखि दिउँसो ४ बजेसम्म विद्युत् सेवा अवरुद्ध हुनेछ । यस अवधिमा केरौनस्थित टावर नम्बर ६८ र ६९ बीच डेड–एन्ड टावर जडान गर्ने काम पनि सम्पन्न गरिनेछ ।
विद्युत् अवरोधका कारण झापा, इलाम, पाँचथर र ताप्लेजुङ जिल्लाका सम्पूर्ण क्षेत्र तथा मोरङको उर्लाबारी, पथरी र आसपासका क्षेत्रमा विद्युत् आपूर्ति प्रभावित हुने प्राधिकरणले जनाएको छ ।
प्राधिकरणले प्राविधिक कार्य सम्पन्न भएलगत्तै विद्युत् सेवा पुन: सञ्चालन गरिने जानकारी दिएको छ । निर्धारित समयभन्दा अगावै काम सकिएमा सोहीअनुसार विद्युत् आपूर्ति पनि समयअघि नै सुचारु गरिने जनाइएको छ ।
विद्युत् अवरोधबाट सेवाग्राहीलाई पर्न जाने असुविधाप्रति प्राधिकरणले क्षमायाचना गर्दै सहयोग र समझदारीका लागि आग्रह गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4