News Summary
Generated by OK AI. Editorially reviewed.- संस्कृति, पर्यटन तथा नागरिक उड्डयनमन्त्री खडकराज पौडेलले नेपाल वायुसेवा निगमको आमूल सुधारका लागि सार्वजनिक–निजी साझेदारी मोडलमा जानुपर्ने बताए ।
- नेपाल एसोसिएसन अफ टुर एण्ड ट्राभल एजेन्ट्सको ५९ औं अधिवेशनमा मन्त्री पौडेलले निगमलाई राजनीतिक हस्तक्षेप र बेथितिबाट जोगाउन पुनर्संरचना अपरिहार्य रहेको उल्लेख गरे ।
- मन्त्री पौडेलले राष्ट्रिय ध्वजावाहकको सुधार नभई पर्यटकीय गन्तव्यको लक्ष्य पूरा हुन नसक्ने भन्दै यस विषयमा सार्वजनिक बहस गर्न सरोकारवालालाई अपिल गरे ।
२९ साउन, काठमाडौं । संस्कृति, पर्यटन तथा नागरिक उड्डयनमन्त्री खडकराज पौडेलले नेपाल वायुसेवा निगम (नेपाल एयरलाइन्स) को आमूल सुधारका लागि सार्वजनिक–निजी साझेदारी (पीपीपी) मोडलमा जानुपर्ने बताएका छन् ।
नेपालका पर्यटन व्यवसायीहरूको छाता संगठन नेपाल एसोसिएसन अफ टुर एण्ड ट्राभल एजेन्ट्स (नाटा) को ५९ औं अधिवेशनलाई शुक्रवार सम्बोधन गर्दै मन्त्री पौडेलले यस्तो बताएका हुन् ।
राष्ट्रिय ध्वजावाहक निगम हाल चरम ऋण, राजनीतिक हस्तक्षेप र कर्मचारीतन्त्रको बेथितिमा फसेको उल्लेख गर्दै उनले यसको पुनर्संरचना अपरिहार्य भएको बताए ।
निगमको सुधारका लागि आफू अध्ययनकै क्रममा रहेको जानकारी दिँदै उनले यसलाई उद्धार गर्न पीपीपी मोडलमा लैजानुपर्नेमा आफ्नो दृढता रहेको स्पष्ट पारे ।
यस प्रक्रियामा सरोकारवालाहरूको साथ र सहयोगको अपेक्षा गर्दै उनले सार्वजनिक क्षेत्रमा यस विषयमा वैचारिक बहस सिर्जना गर्न समेत अपिल गरे ।
मन्त्री पौडेलले भने, ‘राष्ट्रिय ध्वजावाहकप्रति हामी सबैको गर्व छ तर हाल यो ऋणमा चुर्लुम्म डुबेको र विभिन्न बेथितिमा फसेको अवस्था छ । यसलाई राजनीतिक र कर्मचारीतन्त्रको दलदलबाट बाहिर निकालेर बचाउन आमूल पुनर्संरचना आवश्यक छ । राष्ट्रिय ध्वजावाहकको सुधार बिना पर्यटकीय गन्तव्यको लक्ष्य पूरा गरेका कुनै पनि देश मैले देखेको छैन । त्यसैले नेपालको पर्यटन प्रवर्द्धनका लागि निगमको सुधार हुनैपर्छ ।’
मन्त्री पौडेलले पर्यटन क्षेत्रको विकासका लागि बलियो राष्ट्रिय ध्वजावाहक हुनुपर्ने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4