२०८३ भदौ ५ गते ८:२६ 
News Summary
Generated by OK AI. Editorially reviewed.- कप्तान दीपेन्द्र सिंह ऐरीले एसीसी पुरुष प्रिमियर कप र एसियन गेम्सका कारण युरोपियन टी–२० प्रिमियर लिग नखेल्ने भएका छन् ।
- आम्सटर्डम फ्लेम्सले दीपेन्द्रको स्थानमा नेदरल्यान्ड्सका डेभिड रशमियरलाई टोलीमा समावेश गरेको छ ।
- रोटरडम डर्क्सबाट अनुबन्धित सन्दीप लामिछाने पनि राष्ट्रिय टोलीको जिम्मेवारीका कारण प्रतियोगिता नखेल्ने सम्भावना छ ।
५ भदौ, काठमाडौं । नेपाली टी-२०आई क्रिकेट टोलीका कप्तान तथा अलराउन्डर दीपेन्द्र सिंह ऐरीले युरोपियन टी–२० प्रिमियर लिग (ईटीपीएल) नखेल्ने भएका छन् ।
उनको फ्रेन्चाइज आम्सटर्डम फ्लेम्सले एसीसी पुरुष प्रिमियर कप र एसियन गेम्समा नेपालको सहभागिताका कारण दीपेन्द्र उपलब्ध नहुने पुष्टि गर्दै उनको स्थानमा नेदरल्यान्ड्सका डेभिड रशमियरलाई टोलीमा समावेश गरेको छ ।
फ्लेम्सले सामाजिक सञ्जालमार्फत राखेको जानकारीमा दीपेन्द्र र नेपाली टोलीलाई प्रिमियर कप तथा एसियन गेम्सका लागि शुभकामना दिँदै ‘हामी टाइगरलाई समर्थन गर्नेछौं’ उल्लेख गरेको छ ।
दीपेन्द्रलाई यसअघि आम्सटरडम फ्लेम्सले अस्ट्रेलियाका स्टार अलराउन्डर मिचेल मार्श नेतृत्वको टोलीमा अनुबन्ध गरेको थियो । टोलीमा स्टिभ स्मिथ र टिम डेभिड पनि छन् ।
यस्तै, रोटरडम डर्क्सबाट अनुबन्धित नेपाली लेगस्पिनर सन्दीप लामिछाने पनि राष्ट्रिय टोलीको जिम्मेवारीका कारण प्रतियोगिता नखेल्ने सम्भावना छ ।
आईसीसीको स्वीकृति प्राप्त युरोपियन टी–२० प्रिमियर लिग युरोपका चार राष्ट्रमा आयोजना हुने बहुराष्ट्रिय फ्रेन्चाइज टी–२० प्रतियोगिता हो ।
यो प्रतियोगिता ईटीपीएलको पहिलो संस्करण हुनेछ ।
प्रतिक्रिया 4