२०८३ भदौ ९ गते ९:४० 
News Summary
Generated by OK AI. Editorially reviewed.- नेपाली महिला फुटबलर सिमा रानी घले क्रोएसियाको शीर्ष महिला लिग क्लब जेडएनके स्प्लिटमा आबद्ध भएकी छन्।
- सिमा अब क्रोएसियाको ए डिभिजन माजेन्टा लिगामा प्रतिस्पर्धा गर्नेछिन्।
- यो अनुबन्धसँगै उनी क्रोएसियाको शीर्ष महिला लिगमा खेल्ने नेपाली फुटबलर बनेकी छन्।
९ भदौ, काठमाडौं । नेपाली महिला फुटबलर सिमा रानी घले क्रोएसियाको शीर्ष महिला लिग क्लब जेडएनके स्प्लिटमा आबद्ध भएकी छन् ।
सिमा अब क्रोएसियाको ए डिभिजन माजेन्टा लिगामा प्रतिस्पर्धा गर्नेछिन् । संकटा कलबबाट घरेलु फुटबल खेल्ने सिमाको अनुबन्धको जानकारी संकटा क्लबले सामाजिक सञ्जालमार्फत सार्वजनिक गरेको हो ।
एफसी बुद्धबाट फुटबल यात्रा सुरु गरेकी सिमाले नेपालमा संकटा एफसीबाट पनि उत्कृष्ट प्रदर्शन गरेकी थिइन् । घरेलु फुटबलबाट युरोपको शीर्ष डिभिजनसम्मको उनको यात्रा नेपाली महिला फुटबलका लागि महत्वपूर्ण उपलब्धि मानिएको छ ।
सिमाको यो अनुबन्धसँगै उनी क्रोएसियाको शीर्ष महिला लिगमा खेल्ने नेपाली फुटबलर बनेकी छन् ।
प्रतिक्रिया 4