२०८३ असोज ५ गते १४:१६ 
News Summary
Generated by OK AI. Editorially reviewed.- सानो चोटका कारण चेल्सीका फरवार्ड कोल पाल्मर इंग्ल्यान्डको नेसन्स लिग टोलीबाट बाहिरिने भएका छन्।
- २४ वर्षीय पाल्मरलाई प्रशिक्षक थोमस टुचेलले पुनः राष्ट्रिय टोलीमा बोलाएका थिए, तर उनले चार अन्तर्राष्ट्रिय खेल गुमाउने भएका छन्।
- इंग्ल्यान्डले सेप्टेम्बर २६ मा वेम्बलीमा विश्व च्याम्पियन स्पेनसँग खेल्नेछ, त्यसपछि चेक गणतन्त्र र क्रोएसियासँग प्रतिस्पर्धा गर्नेछ।
५ असोज, काठमाडौं । चेल्सीका फरवार्ड कोल पाल्मर सानो चोटका कारण इंग्ल्यान्डको नेसन्स लिग टोलीबाट बाहिरिने भएका छन् ।
२४ वर्षीय पाल्मरलाई प्रशिक्षक थोमस टुचेलले विश्वकप टोलीबाट विवादास्पद रूपमा बाहिरिएपछि पुनः राष्ट्रिय टोलीमा बोलाएका थिए । टुचेलले उनलाई ‘आफूलाई प्रमाणित गर्नुपर्ने’ र टोलीमा स्थान कायम राख्न उत्कृष्ट प्रदर्शन आवश्यक रहेको बताएका थिए ।
तर चेल्सीबाट नियमित खेलिरहेका पाल्मर अब अन्तर्राष्ट्रिय विश्रामका चार खेल गुमाउने भएका छन् । इंग्ल्यान्डले सेप्टेम्बर २६ मा वेम्बलीमा विश्व च्याम्पियन स्पेनसँग खेल्नेछ भने त्यसपछि चेक गणतन्त्र र क्रोएसियासँग पनि प्रतिस्पर्धा गर्ने तालिका छ ।
पाल्मरले शुक्रबार ब्रेन्टफोर्डसँगको ३–० को हारमा पूरा ९० मिनेट खेलेका थिए । यस सिजन उनले चेल्सीका सातमध्ये ६ खेलमा सुरुआती रोजाइ पाउँदै ४ गोल र २ असिस्ट गरेका छन् ।
पछिल्लो सिजन उनी दोहोरिने ग्रोइन चोटबाट पनि प्रभावित भएका थिए । पाल्मरले इंग्ल्यान्डका लागि पछिल्लो पटक मार्चमा जापानविरुद्धको मैत्रीपूर्ण खेल खेलेका थिए ।
प्रतिक्रिया 4