News Summary
Generated by OK AI. Editorially reviewed.- सभापोखरी गाउँपालिकामा पार्किङ गरिएको एम्बुलेन्स तोडफोड गरेको आरोपमा प्रहरीले तीन जनालाई पक्राउ गरेको छ।
- पक्राउ पर्नेमा सभापोखरी–६ का १८ वर्षीय युजेन राई, सभापोखरी–५ का १९ वर्षीय सबिन लिम्बू र सभापोखरी–३ का १८ वर्षीय रविराज राई छन्।
- असोज २४ गते राति करिब १० बजे भएको घटनामा प्रहरीले आपराधिक उपद्रव कसुरमा मुद्दा दर्ता गरी थप अनुसन्धान गरिरहेको छ।
२६ असोज, सङ्खुवासभा। सङ्खुवासभाको सभापोखरी गाउँपालिकामा पार्किङ गरेर राखिएको एम्बुलेन्स तोडफोड भएको छ । सभापाेखरी गाउँपालिकाकाे एम्बुलेन्स ताेडफाेड गरेको आरोपमा प्रहरीले तीन जनालाई पक्राउ गरेको छ ।
पक्राउ पर्नेमा सभापोखरी गाउँपालिका–६ का १८ वर्षीय युजेन राई, सभापोखरी- ५ का १९ वर्षीय सबिन लिम्बू र सभापोखरी – ३ का १८ वर्षीय रविराज राई रहेको जिल्ला प्रहरी कार्यालय सङ्खुवासभाका सूचना अधिकारी प्रहरी निरीक्षक धनबहादुर राजवंशीले बताए।
असोज २४ गते शनिबार राति करिब १० बजे गाउँपालिकाको नम्बर प्लेट नभएको ‘अन टेस्ट’ एम्बुलेन्स पार्किङ गरेर राखिएको अवस्थामा तोडफोड गरिएको थियो । घटनामा लगत्तै फरार भएका तीनै जनालाई प्रहरीले आइतबार पक्राउ गरेर सोमबार सार्वजनिक गरेको हो ।
प्रहरीले उनीहरूलाई पक्राउ गरी आपराधिक उपद्रव कसुरमा मुद्दा दर्ता गरेको जनाएको छ। असोज २६ गते सङ्खुवासभा जिल्ला अदालत चैनपुरबाट म्याद थप अनुमति लिएर घटनाबारे थप अनुसन्धान भइरहेको जिल्ला प्रहरी कार्यालयले जनाएको छ। घटनामा संलग्न तिनै जना माथि थप अनुसन्धान भइरहेको जिल्ला प्रहरी कार्यालय सङ्खुवासभाले जनाएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4