२० कात्तिक, धनकुटा । धनकुटा नगरपालिका-१ सुकेपोखरीस्थित कोशी लोकमार्गमा ट्रक र दुईवटा मोटरसाइकल एकआपसमा ठोक्किँदा एक महिलाको मृत्यु भएको छ भने अन्य दुई जना घाइते भएका छन् ।
जिल्ला प्रहरी कार्यालय धनकुटाका अनुसार हिलेबाट धनकुटातर्फ आउँदै गरेको प्रदेश नं. १–०२–००२ ख ०४७४ नम्बरको ट्रकलाई सोही दिशाबाट आउँदै गरेको को १० प ९६८ नम्बरको मोटरसाइकलले ओभरटेक गर्ने क्रममा ठक्कर दिएको थियो । उक्त दुर्घटनामा विपरीत दिशाबाट आउँदै गरेको को ३८ प ३०६८ नम्बरको अर्को मोटरसाइकलसमेत ठोक्किएको थियो ।
दुर्घटनामा को १० प ९६८ नम्बरको मोटरसाइकलमा सवार धनकुटा नगरपालिका-१ निगालेकी करिब ५१ वर्षीया ठोमादेवी ठकुरीको घटनास्थलमै मृत्यु भएको प्रहरीले जनाएको छ ।
सोही मोटरसाइकलका चालक धनकुटा नगरपालिका-३ निगाले निवासी करिब ५३ वर्षीय गुणराज ठकुरी गम्भीर घाइते भएका छन् । उनलाई उद्धार गरी उपचारका लागि बीपी कोइराला स्वास्थ्य विज्ञान प्रतिष्ठान धरान पठाइएको जिल्ला प्रहरी कार्यालय धनकुटाका सूचना अधिकारी प्रहरी नायव उपरिक्षक हेमन्त भण्डारी क्षेत्रीले जानकारी दिए ।
त्यस्तै, को ३८ प ३०६८ नम्बरको मोटरसाइकल चालक मोरङको विराटनगर महानगरपालिका-१ का २० वर्षीय रोशन तामाङ सामान्य घाइते भएका छन् । उनको पनि जिल्ला अस्पताल धनकुटामा उपचार भइरहेको छ ।
दुर्घटनामा परेका ट्रक चालक सुनसरीको धरान उपमहानगरपालिका–२० निवासी ३८ वर्षीय चाङबहादुर तामाङ, ट्रक तथा दुवै मोटरसाइकल प्रहरीको नियन्त्रणमा रहेका छन् ।
मृतकको शव कानुनी प्रक्रिया पूरा गरी पोस्टमार्टमका लागि जिल्ला अस्पताल धनकुटा राखिएको छ भने घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4