डिपाएको दुई गोलमा नेदरल्यान्ड्सको सहज जित

२० भदौं, काठमाडौं । मेम्फिस डिपाएले दुई गोल गरेको खेलमा नेदरल्याण्ड्सले विश्वकप छनोटमा सहज जित हात पारेको छ ।

शनिबार राति भएको खेलमा समूह जी को खेलमा नेदरल्याण्ड्सले मोन्टेनेग्रोलाई ४-० ले हरायो ।

डिपाएले दुई गोल गर्दा जर्जिनियो विजनाल्डम र कोडी गक्पोले एक-एक गोल गरे ।

डिपाएले ३८औं र ६२औं मिनेटमा गोल गरे । विज्नाल्डमले ७०औं र गाक्पोले ७६औं मिनेटमा गोल गरे ।

जितपछि नेदरल्याण्ड्स पाँच खेलबाट १० अंक जोड्दै दोस्रो स्थानमा छ । मोन्टेनेग्रो ७ अंकसहित चौथो स्थानमा छ ।

समूह जी कै अर्को खेलमा टर्कीले जिब्राल्टरलाई ३-० ले पराजित गरेको छ ।

टर्की पाँच खेलबाट ११ अंकसहित शीर्ष स्थानमा छ ।