सर्वदलीय सहमति भएमा काठमाडौंमा रातिबाटै मतगणना

३० वैशाख, काठमडौं । सर्वदलीय-सर्वपक्षीय बैठकमा सहमति भए काठमाडौं महानगरपालिकाको मतगणना आजै रातिबाट हुने भएको छ ।

काठमाडौंको जिल्ला निर्वाचन अधिकारी ठाकुरप्रसाद भट्टराईका अनुसार सबै मतपत्रसहितको पेटिका आएपछि सर्वदलीय-सर्वपक्षीय बैठक बैठक हुनेछ । सर्वदलीय बैठकले सहमति गरेमा रातिबाटै मतगणना सुरू हुनसक्ने उनले बताए ।

काठमाडौं महानगरपालिकाको मतगणना राष्ट्रिय सभागृहमा हुने भएको छ । भट्टराईका अनुसार सभागृहमा धमाधम मतदान स्थलहरुबाट मतपत्रसहितको बाकस आउनेक्रम जारी छ ।

सर्वदलीय-सर्वपक्षीय बैठकमा सहमति नभए निर्वाचन अधिकृतहरुले मतगणनाको समय हेरफेर हुनसक्ने भट्टराईले बताए ।

सर्वदलीय-सर्वपक्षीय बैठकले निर्णय गरेमा काठमडौं जिल्लाका सबै पालिकाको आजै रातिदेखि मतगणना गर्ने तयारी छ ।