आयुष घलानलाई सहारा वर्षोत्कृष्ट खेलाडी सम्मान

२०८० माघ ९ गते १९:२३

अनलाइनखबर

९ माघ, पोखरा । यसवर्षको सहारा वर्षोत्कृष्ट खेलाडी सम्मानबाट राष्ट्रिय फुटबल खेलाडी आयुष घलान सम्मानित भएका छन् ।

उनलाई पोखरा महानगर प्रमुख धनराज आचार्यलगायतले ५० हजार ५ रुपैयाँसहित सम्मान गरेका हुन् ।

आयोजक सहाराले २०७४ देखि बर्सेनि एकजना फुटबलरलाई वर्षोत्कृष्ट खेलाडी सम्मान प्रदान गर्दै आएको छ ।

राष्ट्रिय टिमका मिडफिल्डर घलानलाई नेपाली राष्ट्रिय टिमका पूर्वप्रशिक्षक अल्दुल्लाह अल्मुताइरीले आयुषलाई नेपाली राष्ट्रिय टिममा प्रवेश गराएका हुन् । उनी हेटौंडाका हुन् ।

उनले कुवेत सिटीमा भएको अस्ट्रेलियाविरुद्धको विश्वकप छनोटबाट राष्ट्रिय टिममा डेब्यू गरेका हुन् ।

उनले सन् २०२१ मा भएको साफ च्याम्पियनसिपमा राष्ट्रिय टिमका लागि पहिलो गोल गरेका थिए ।

आयुषले भारतको भुवनेश्वरमा भएको साफ यू–२० च्याम्पियनसिपमा नेपालको कप्तानी भूमिका निभाइसकेका छन् ।

उनले पोखरा थन्डर्स, थ्रीस्टार, संकटा र मच्छिन्द्र क्लबका लागि खेलिसकेका छन् ।

यसअघि फुटबलर भरत खवास, किरणकुमार लिम्बु, सुजल श्रेष्ठ, अभिषेक रिजाल, अञ्जन बिष्ट र अनन्त तामाङ सहारा वर्षोत्कृष्ट खेलाडी अवार्डबाट सम्मानित भइसकेका छन् ।

टुर्नामेन्ट

ICC Men T20 World Cup 2024

West Indies A Tour to Nepal 2024

ACC Premier Cup 2024

IRELAND WOLVES TOUR OF NEPAL

Nepal Tri-Nation T20I Series (2024)

Nepal A VS Canada XI OD Series

2023–2027 ICC Cricket World Cup League 2

Nepal Vs Canada ODI Series

Aaha RARA Pokhara gold cup 


ICC Under-19 Cricket World Cup 2024

Pm Cup Womens National Cricket Tournament

Nepal Super League

T20 World Cup Final Asia

Nepal Tri-Nation T20I Series

Asiacup 2023

एसीसी प्रिमियर कप