कवि जीवन खत्रीलाई दक्षिण कोरियामा सम्मान

Quick Summary

AI-generated by OK AI. Editorially reviewed.

कवि र कलाकार जीवन खत्रीलाई दक्षिण कोरियामा सम्मान गरिएको छ, जसले नेपाली साहित्य र संस्कृतिको प्रवर्द्धनमा योगदान पुर्‍याएका छन्।
२०२० मा कोरियामा प्रकाशित नेपाली कविताको संग्रह 'यो मेशिनको सहर हो' को आधारमा बनाइएको डकुमेन्ट्री चलचित्र 'मेसिनको देशमा' लाई अन्तर्राष्ट्रिय महोत्सवमा सम्मान प्राप्त भयो।
काठमाडौंको खत्रीले आफूलाई प्राप्त सम्मान नेपाली कविहरू र साहित्यिक क्षेत्रमा काम गरिरहेका नेपालीहरूको सम्मान मान्दै बताए।

काठमाडौं । कवि तथा कलाकार जीवन खत्रीलाई दक्षिण कोरियामा सम्मान गरिएको छ ।

गत शनिबार २६औं जोओन्जु अन्तर्राष्ट्रिय चलचित्र महोत्सवको समापनको क्रममा खत्रीलाई सम्मान गरिएको हो ।

खत्री सहित नेपाली कविहरू सुनिलदिप्त राई र दिलिप बान्तवाले मुख्य भूमिकामा अभिनय गरेको डकुमेन्ट्री चलचित्र ‘मेसिनको देशमा’ महोत्सवको क्रममा रातो कार्पेट सहित सम्मान गरिएको थियो ।

जोओन्जु अन्तर्राष्ट्रिय चलचित्र महोत्सव कोरियाका तीन प्रमुख अन्तर्राष्ट्रिय चलचित्र महोत्सवहरू मध्ये एक हो । सन् २०२० मा कोरियामा रहेर कविता लेखिरहेका ३५ नेपाली कविहरूको ७० कविता वटा कविताको संग्रह ‘यो मेशिनको सहर हो’ प्रकाशित भएको थियो । त्यही कृतिको आधारमा डकुमेन्ट्री ‘मेशिनको देशमा’ निर्माण गरिएको थियो । लि गिजु र मोहन कार्कीले कोरियन भाषामा अनुवाद र कवि पराजित पोमुले सम्पादन गरेको यो कृतिले चर्चा पाएको थियो ।

आयोजकका अनुसार चलचित्र महोत्सव लागि विश्वभरबाट २ हजार ४९७ चलचित्रहरू पेस गरिएका थिए । महोत्सवमा ५७ देशका २२४ चलचित्रहरू (१४८ फिचर चलचित्रहरू र ७६ छोटो चलचित्रहरू) प्रदर्शन गरिएका थिए । ३० अप्रिलदेखि ९ मेसम्म भएको अन्तर्राष्ट्रिय महोत्सवमा ‘मेसिनहरूको देशमा’ ले उत्कृष्ट हुँदै समापन शो पाएको थियो ।

१२ वर्षदेखि कोरियामा रहेका खत्री रोजगारीसँगै साहित्य क्षेत्रमा सक्रिय छन् । आफूले अपेक्षा गरेको भन्दा बढी ‘रेड कार्पेट सम्मान’ पाएको कवि खत्रीले बताए ।

‘यो सम्मान पुस्तकमा समावेश सबै कवि, कोरियामा रहेर कविताकर्म गरिरहनु भएका आम नेपाली कविहरूको पनि हो । यो सम्मान, नेपालकै सम्मान हो,’ उनले भने ।