बाढीले डाइभर्सन बगाउँदा अवरुद्ध बीपी राजमार्ग अझै खुलेन

News Summary

Generated by OK AI. Editorially reviewed.

अविरल वर्षाका कारण बिपी राजमार्गको माप्तिस्थित रोशी खोलाको बाढीले डाइभर्सन बगाउँदा सडक अझै सञ्चालनमा आएको छैन।
इलाका प्रहरी कार्यालय मंगलटारले रातिदेखि नै राजमार्ग खोल्ने प्रयास गरिरहेको छ र १७ यात्रुको उद्धार गरिएको छ।
बाढीले रोशी गाउँपालिकाको माम्तीमा डाइभर्सन बगाएको स्थानमा एकतर्फी राजमार्ग खुलाइएको छ र पूर्वबाट आउने सवारीलाई रोकिएको छ।

३० वैशाख, काभ्रेपलाञ्चोक । अविरल वर्षाका कारण बीपी राजमार्गको माम्तीस्थित रोशी खोलाको बाढीले सोमबार राति डाइभर्सन बगाउँदा अवरुद्ध भएको सडक अझै सञ्चालनमा आएको छैन ।

सोमबार रातिदेखि नै अवरुद्ध राजमार्ग खुलाउने प्रयास भइरहेको इलाका प्रहरी कार्यालय मंगलटारले जनाएको छ ।

इलाका प्रहरी कार्यालय मंगलटारका प्रहरी निरीक्षक ईश्वर कार्कीका अनुसार रोशी गाउँपालिकाको माम्तीमा डाइभर्सन बगाउँदा राजमार्ग अवरुद्ध छ ।

बाढीले रोशी ९ मंगलटारको बोक्सीकुनामा डाइभर्सन बगाएको स्थानमा एकतर्फी राजमार्ग खुलाइएको छ । प्रहरीले राजमार्गमा अलपत्र १७ यात्रुको उद्धार गरेको जनाएको छ ।

पूर्वबाट आइरहेको सवारीलाई खुर्कोट र नेपालथोकमा तथा काठमाडौंबाट पूर्व गइरहेका गाडीलाई भकुण्डेबेसीमा रोकिएको छ ।