सुदूरपश्चिममा नाउपाको संसदीय दलको बैठक बस्दै, मन्त्रीको टुंगो लगाउने

दलका नेता घनश्याम चौधरी ।

News Summary

Generated by OK AI. Editorially reviewed.

नागरिक उन्मुक्ति पार्टी (नाउपा) ले सुदूरपश्चिम प्रदेशको उद्योग, पर्यटन, वन तथा वातावरण मन्त्रीको पदको लागि नयाँ उम्मेदवार चयन गर्न बैठक बोलाएको छ।
बैठकमा अन्य समसामयिक विषयहरू समेत छलफल हुने बताइएको छ र यसले पार्टीको निर्णयप्रति संकेत गर्दछ।
अहिले उक्त मन्त्रालय मुख्यमन्त्री कमलबहादुर शाहले नै राखेका छन् र नाउपाको सिफारिस अनुसार नयाँ मन्त्री नियुक्ति हुनेछ।

३० वैशाख, धनगढी । नागरिक उन्मुक्ति पार्टी (नाउपा) ले सुदूरपश्चिम प्रदेश संसदीय दलको बैठक बोलाएको छ ।

दलका नेता घनश्याम चौधरीले रिक्त रहेको प्रदेशको उद्योग पर्यटन वन तथा वातावरण मन्त्रीमा कसलाई पठाउने भन्नेबारे छलफल र निर्णय गर्न बैठक बोलाइएको जानकारी दिए ।

नाउपाको प्रदेश संसदीय दलको कार्यालयमा बैठक बस्दैछ । उनका अनुसार बैठकमा अन्य समसामयिक विषयमा समेत छलफल हुनेछ ।

तत्कालीन उद्योग, पर्यटन, वन तथा वातावरण मन्त्री लक्ष्मण किशोर चौधरीले आर्थिक लेनदेनसम्बन्धी विवादास्पद अडियो सार्वजनिक भएपछि पदबाट राजीनामा दिएका थिए ।

१६ चैतमा चौधरीले पदबाट राजीनामा दिएपछि अहिले उक्त मन्त्रालय मुख्यमन्त्री कमलबहादुर शाहले आफैंसँग राखेका छन् ।

नाउपाले सर्वसम्मत रूपमा सरकारमा कसलाई पठाउने भन्नेबारे निर्णय लिइने जनाएको छ ।

नाउपाको सिफारिसका आधारमा मुख्यमन्त्री शाहले मन्त्री नियुक्त गर्नेछन् ।