कनेक्ट आईपीएसबाट लाइफ इन्स्योरेन्सको प्रिमियम भुक्तानी गर्दा आकर्षक अफर

News Summary

Generated by OK AI. Editorially reviewed.

कनेक्ट आईपीएसले लाइफ इन्स्योरेन्स प्रिमियम भुक्तानी गर्दा क्यासब्याक अफर सार्वजनिक गरेको हो।
अफर ४ जेठदेखि ३१ साउनसम्म लागु हुनेछ र हरेक साता १० विजेताले १ हजार रुपैयाँ फिर्ता पाउनेछन्।
मासिक एक विजेताले प्रिमियम रकम बराबर वा अधिकतम २० हजार रुपैयाँ फिर्ता पाउनेछन् र विजेताको जानकारी वेबसाइट र सामाजिक सञ्जालमार्फत सार्वजनिक गरिनेछ।

४ जेठ, काठमाडौं । कनेक्ट आईपीएसबाट लाइफ इन्स्योरेन्स कम्पनीको प्रिमियम भुक्तानी गर्ने ग्राहकका लागि आकर्षक अफर सार्वजनिक गरिएको छ ।

४ जेठदेखि ३१ साउनसम्म लागु हुने गरी कनेक्ट आईपीएसबाट लाइफ इन्स्योरेन्स प्रिमियम भुक्तानी गर्दा आकर्षक रकम फिर्ता हुने गरी ‘सुरक्षा सँगै क्यासब्याक, कनेक्ट आइपीएसको साथ’ अफर सार्वजनिक गरिएको हो ।

यस अफर अन्तर्गत कनेक्ट आईपीएसबाट लाइफ इन्स्योरेन्स कम्पनीको प्रिमियम भुक्तानी गर्दा हरेक साता १० जना भाग्यशाली प्रयोगकर्ताले १ हजार क्यासब्याक प्राप्त गर्न सक्नेछन् भने हरेक महिना एक भाग्यशाली विजेताले प्रिमियम भुक्तानीको रकम बराबर वा अधिकतम २० हजार रुपैयाँसम्म फिर्ता पाउन सक्नेछन् ।

लक्की ड्रमार्फत छानिएका १० साप्ताहिक विजेताको जानकारी हप्ता सकिएपछि तथा मासिक १ भाग्यशाली विजेताको जानकारी महिना सकिएपछि कनेक्ट आईपीएसको वेबसाइट तथा आधिकारिक सामाजिक सञ्जाल मार्फत सार्वजनिक गरिने छ ।
कनेक्ट आईपीएसको वेब, मोबाइल एप तथा इन्स्योरेन्स कम्पनीको वेबसाइटमा जोडिएको कनेक्ट आईपीएस गेटवे मार्फत गरिएको लाइफ इन्स्योरेन्स प्रिमियम भुक्तानीमा उक्त अफर लागु हुनेछ ।

उक्त प्रणाली मार्फत सबै लाइफ र केही माइक्रोलाइफ गरी १७ कम्पनीको प्रिमियम भुक्तानी गर्न सकिने व्यवस्था छ ।