बेथाले छट्पटिएकी महिलालाई बाटैमा सुत्केरी गराउने जवानलाई आईजीपीको पुरस्कार

सडक छेउको एक व्‍यक्तिको आँगनमा बच्चा जन्माएकी महिलाको सुत्केरी स्याहार्दै प्रहरी जवान चन्द्रिका देउवा।

News Summary

Generated by OK AI. Editorially reviewed.

प्रहरी जवान चन्द्रिकाकुमारी देउवालाई आईजीपी दीपक थापाले पुरस्कृत गरेका छन् ।
देउवाले कैलालीको गोदावरी नगरपालिका–१ मा बेथाले छट्पटिरहेको अवस्थामा रहेकी महिलालाई बाटैमा सुत्केरी गराउन सहयोग गरेकी थिइन् ।
यस कार्यले प्रहरीको छविलाई उँचो बनाएको भन्दै आईजीपी थापाले देउवाको प्रशंसा गरे ।

७ जेठ, काठमाडौं । कैलालीको गोदावरी नगरपालिका–१ मा सुत्केरी व्यथाले छट्पटाइरहेको अवस्थामा भेटिएकी महिलालाई सुत्केरी गराउने प्रहरी जवानलाई प्रहरी महानिरीक्षक (आईजीपी) ले पुरस्कृत गरेका छन् ।

आईजीपी दीपक थापाले सडक छेउस्थित एक व्यक्तिको आँगनमा सुत्केरी गराउन सहयोग गर्ने प्रहरी जवान चन्द्रिकाकुमारी देउवालाई पुरस्कृत गरेका हुन् । उनको यो कामले प्रहरीको छविलाई उँचो बनाउने काम गरेको भन्दै आईजीपी थापाले पुरस्कृत गरेका हुन् ।

यसअघि जिल्ला प्रहरी कार्यालय कैलालीले बुधबार देउवालाई प्रसंशापत्र र रेकर्डमा जाने गरी पुरस्कृत गरेको थियो ।

कैलालीका प्रमुख प्रहरी उपरीक्षक (एसपी) बाल नरसिंह राणाले देउवालाई प्रशंसापत्रसहित पुरस्कृत गरेका थिए ।

प्रहरी चौकी खैरानामा कार्यरत प्रहरी जवान देउवाले सडकमा छट्पटिरहेको चन्द्रा आचार्यलाई सुत्केरी गराएकी थिइन् । बझाङको थलारा गाउँपालिकाकी आचार्यलाई पनि पद्‍मा अस्पताल पुर्‍याइएको थियो ।