२०८२ जेठ ८ गते १०:०४ 
News Summary
Generated by OK AI. Editorially reviewed.- युरोपा लिग फाइनलपछि पुरस्कार वितरण समारोहमा टोटनहमका केही खेलाडीहरूले पदक पाएनन्।
- युईएफए अध्यक्षले क्लबलाई ३० मेडल मात्र उपलब्ध गराएको जानकारी दिए।
८ जेठ, काठमाडौं । युरोपा लिग फाइनलपछि पुरस्कार वितरण समारोहमा टोटनहमका कप्तान सन हेङ मिनसहित केही खेलाडीहरूले विजेताको पदक पाएनन् ।
युरोपियन फुटबलको सर्वोच्च निकाय युईएफए अध्यक्ष अलेक्जान्दर केफरिन विजेताले लगाउने मेडलहरू सकिँदासम्म पनि टोटनहमका सबै खेलाडीहरूले नपाएको देखेर आश्चर्यचकित देखिए ।
स्पेनको विल्वाओस्थित सान मोमेस स्टेडियममा गएराती भएको युरोपा लिग फाइनलमा टोटनहमले म्यानचेस्टर युनाइटेडलाई १-० ले हराउँदै उपाधि जितेको थियो ।
लण्डन क्लब टोटनहमले पुरस्कार वितरण समारोहमा धेरै व्यक्तिहरु पठाएपछि यस्तो समस्या उत्पन्न भएको युईएफएले पछि जानकारी दिएको छ ।
युरोपेली फुटबलको सर्वोच्च निकायले पुरस्कार वितरण समारोहमा क्लबलाई ३० मेडल मात्र प्रदान गर्ने जनाएको थियो । त्यसपछि थप २० वटा पदक खेलाडी र स्टाफहरूलाई बाँड्नका लागि क्लबलाई दिइएको थियो ।
तर दक्षिण कोरियाली स्टार सनले आफ्नो टिममेटसँग विजेताको ट्रफी उठाउने बेला उनीलगायत केही खेलाडीसँग विनर मेडल थिएन ।
टोटनहमले सन् २००८ यता पहिलो पटक ठूलो उपाधि जितेको हो ।
-एपीबाट
प्रतिक्रिया 4