बैंकर्स संघसँगको भेटमा गभर्नरले गरे वित्तीय संस्थाको योगदानबारे प्रशंसा

News Summary

Generated by OK AI. Editorially reviewed.

नेपाल राष्ट्र बैंकका नवनियुक्त गभर्नर प्रा. डा. विश्वनाथ पौडेललाई नेपाल बैंकर्स संघका प्रतिनिधिले भेटेर बधाई दिएका छन् ।
गभर्नरले आगामी दिनमा बैंकरहरूसँग छलफल गर्ने बताउँदै वर्तमान चुनौती समाधानका लागि सबै सरोकारवाला एकजुट हुनुपर्ने बताए ।
बैंकिङ क्षेत्रको छोटो कुरा गर्नुभन्दा पनि छिट्टै विस्तारमा छलफल गर्ने गभर्नरले बताएपछि प्रतिनिधिहरू फर्किएका छन्।

८ जेठ, काठमाडौं । नेपाल राष्ट्र बैंकका नवनियुक्त गभर्नर प्रा. डा. विश्वनाथ पौडेललाई नेपाल बैंकर्स संघका प्रतिनिधिले भेटेका छन् । संघको प्रतिनिधिमण्डलले गभर्नरलाई बधाई दिएर फर्किएको छ ।

केन्द्रीय बैंकको जिम्मेवारी सम्हालेको दोस्रो दिन बधाई दिन पुगेका बैंकरहरूलाई गभर्नरले आगामी दिनमा छिट्टै छलफल गर्ने भन्दै बिदा गरेका छन् ।

बैंकिङ क्षेत्रको नियामक निकाय भएकाले पनि बैंकहरूको छाता संगठनले वर्तमान बैंकिङ क्षेत्रको सन्दर्भमा कुरा गर्ने आशा राखेका थिए ।

गभर्नरले बैंक तथा वित्तीय संस्थाले देशको आर्थिक क्षेत्रमा पुर्‍याएको योगदानको प्रशंसा गर्दै विद्यमान चुनौती समाधानका लागि सबै सरोकारवाला एकजुट भई अघि बढ्नुपर्ने बताए ।

भेटमा गभर्नरलाई बधाई र सफल कार्यकालको शुभकामना दिएको एक बैंकरले बताए । ‘आगामी मौद्रिक नीतिको सुझावका लागि छिट्टै बैंकरसँग छलफल गर्ने गभर्नरले बताउनु भएको छ,’ उनले भने ।

तत्कालका लागि बैंकिङ क्षेत्रको छोटो कुरा गर्नुभन्दा पनि छिट्टै विस्तारमा छलफल गर्ने गभर्नरले बताएपछि र्बैकरहरू फर्किएका हुन् ।