नरवीर नेपालीका हत्या आरोपी १४ वर्षपछि पक्राउ

News Summary

Generated by OK AI. Editorially reviewed.

सन्तबहादुर सार्कीलाई १४ वर्षपछि पाल्पाबाट पक्राउ गरिएको छ।
उनीले २०६८ साल कात्तिक ११ गते नरवीर नेपालीको हत्या गरेको आरोप छ।
प्रहरीले उनलाई भारतमा लुकिछिपी बस्दै आएको सूचनाका आधारमा पक्राउ गरेको हो।

२७ जेठ, पाल्पा । पाल्पामा कर्तव्य ज्यान मुद्दाका फरार अभियुक्त १४ वर्षपछि पक्राउ परेका छन् ।

पक्राउ पर्नेमा साविक चिदिपानी गाविस-७ (हाल माथागढी गाउँपालिका–१) दमर निवासी ५७ वर्षीय सन्तबहादुर सार्कीलाई रहेको जिल्ला प्रहरी कार्यालय पाल्पाले जानकारी दिएको छ ।

सार्कीले २०६८ साल कात्तिक ११ गते राति सोही स्थानका १८ वर्षीय नरवीर नेपालीको हत्या गरेको आरोप छ ।

घटनापछि भारतमा लुकिछिपी बस्दै आएको सूचनाका आधारमा प्रहरीले निगरानी गर्दै आएको थियो । प्रहरीका अनुसार उनी यही जेठ २५ गते नेपाल फर्किने क्रममा रुपन्देहीको सिद्धार्थनगर नगरपालिका–१ स्थित बेलहिया बसपार्कबाट पक्राउ परेका हुन् ।

भियुक्त सार्कीविरुद्ध मुलुकी अपराध संहिता, २०७४ को दफा १७७ बमोजिम ज्यान सम्बन्धी कसूरमा मुद्दा दर्ता गरिएको जिल्ला प्रहरी कार्यालय पाल्पाका सूचना अधिकारी प्रहरी निरीक्षक सुनिल मल्लले जानकारी दिए ।

फौजदारी कार्यविधि संहिता, २०७४ को दफा १४९ अनुसार ६ दिनको म्याद लिई थप अनुसन्धान प्रक्रिया अघि बढाइएको प्रहरीले जनाएको छ ।