पाँडेलाई प्रश्न : बन्द भएको ‘सक्किगो नि’ अब कहिले आउँछ ?

News Summary

Generated by OK AI. Editorially reviewed.

अर्जुन घिमिरे पाँडेले ‘सक्किगो नि’ सिरियल पुनः ल्याउने सम्भावना टिभी र एजेन्सीको चासोमा मात्र निर्भर रहेको बताए।
सिरियल बन्द भएको तीन महिना पुगेको भए पनि दर्शकले यसको पुनः प्रक्षेपणको अपेक्षा गरिरहेका छन्।
निर्माताले दोस्रो सिक्वेलको तयारी गरिरहेको भए पनि सिरियल पुनः आउने निश्चितता छैन।}

काठमाडौं । चर्चित टिभी श्रृंखला ‘सक्किगो नि’ बन्द भएको ३ महिना पुगेको छ । सिरियलमा आबद्ध कलाकारले निर्माण गरेको फिल्म ‘लाज शरणम्’ रिलिज भएपछि उक्त चर्चित श्रृृंखला बन्द हुन पुगेको थियो ।

त्यसयता, ‘सक्किगो नि’ आउँछ कि आउँदैन स्वयम आबद्ध कलाकारलाई पनि थाहा छैन । तर, दर्शक यो चर्चित सिरियललाई फर्किएको हेर्न अधैर्य छन् । ‘लाज शरणम्’ रिलिजअघि अनलाइनखबरसँगको कुराकानीमा कलाकारले फिल्म र सिरियल सँगै अघि बढ्ने वाचा गरेका थिए ।

जब फिल्म रिलिज भयो, कलाकारको वाचा टिकेन । निर्देशक जिग्री ब्रो र बले केही दिनअघि मात्र अमेरिका घुमेर फर्किएका छन् । ‘लाज शरणम्’का निर्माताले दोस्रो सिक्वेल आउने बताइसकेका छन् ।

यस्तोमा, ‘सक्किगो नि’का निर्माता, निर्देशक तथा कलाकारमध्येका एक अर्जुन घिमिरे पाँडेलाई हामीले सोधेका थियौं- अब यो सिरियल पुनः दर्शकमाझ आउने सम्भावना छ कि छैन ?

टेलिभिजन र एजेन्सीले विश्वास गरेमात्र श्रृंखला फर्किन सक्ने सम्भावना रहेको जवाफ उनले दिए । ‘हामीले मात्र चाहेर हुँदैन । टिभी र एजेन्सीले चासो देखाए मात्र हुने सम्भावना छ’ उनले भने, ‘एजेन्सी र टिभी दुवैले अफोर्ड गर्न सक्नुपर्‍यो ।’ टिभी र एजेन्सी पाइएको खण्डमा आफूहरू सिरियललाई फर्काउन तयार रहेको उनले बताए ।

‘दर्शकले मनोरञ्जन लिइराखेको चीज हो । बन्द गर्ने भन्ने कुरा आउँदैन । युट्युबबाट भएपनि ल्याउँछौं’ पाँडेले भने । पाँडेले ‘लाज शरणम्’को दोस्रो श्रृंखला ल्याउनेबारे आफू अनविज्ञ रहेको बताए ।

यो पनि पढ्नुहोस