१० असार, काठमाडौं । गृहमन्त्री रमेश लेखकले पूर्वमुख्यसचिव शंकरदास वैरागीको प्रसंशा गरेका छन् ।
सोमबार साँझ बसेको मन्त्रिपरिषद्को बैठकले वैरागीको नेतृत्वमा छानबिन समिति बनाएको थियो । यो निर्णयबारे मंगलबार प्रतिनिधि सभामा जानकारी गराउँदै गृहमन्त्री लेखकले वैरागीलाई राम्रो जानकार भएको व्यक्तिको रुपमा चर्चा गरे ।
‘परराष्ट्र मन्त्रालयको सचिवको रुपमा पनि राष्ट्रलाई सेवा प्रदान गरिसक्नुभएको र त्यसपछि नेपाल सरकारको मुख्यसचिवकै रुपमा काम गरिसक्नुभएको र यस क्षेत्रमा राम्रो जानकार रहनुभएका व्यक्ति, पूर्वमुख्य सचिव शंकरदार वैरागीजीको अध्यक्षतामा यो उच्चस्तरीय समिति गठन गरिएको छ’, गृहमन्त्री लेखकले भने ।
प्रतिपक्षी दलहरूले भिजिट भिसा प्रकरणमा उच्चस्तरीय न्यायिक छानबिन आयोग गठन गर्नुपर्ने वा संसदीय छानबिन समिति गठन गर्नुपर्ने माग राख्दै आएका थिए ।
सरकारले छानबिन समिति मात्रै गठन गरेको छ । गठित समितिले आफ्नो सुझावसहितको प्रतिवेदन सरकारलाई दिन्छ । सरकारले त्यसलाई कार्यान्वयन गर्ने वा नगर्ने विवेक प्रयोग गर्न सक्छ ।
गृहमन्त्री लेखकका अनुसार भिजिट भिसा प्रकरणबारे छानबिन गठर्न गठित उच्च स्तरीय समितिको विभिन्न ९ वटा कार्यादेश दिइएको छ । जसअन्तर्गत रहेर समितिले तत्कालिन र दीर्घकालीन रुपमा गर्ने कामहरूबारे सुझाव दिनेछ । नीतिगत र कानुनी सुधार आवश्यक भए त्यसको मस्यौदा समेत सुझाउनेछ ।
अख्तियार दुरुपयोग अनुसन्धान आयोगले गरिरहेको काममा असर नपर्ने गरी समितिले काम गर्नेछ । अध्यागमनमा रहेको समस्या पहिचानदेखि नीतिगत सुधारसम्मका काम गर्ने गरी छानबिन समितिलाई कार्यादेश दिइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4