News Summary
Generated by OK AI. Editorially reviewed.- दोलखाको विगु गाउँपालिकास्थित सानिमा हाइड्रोको बाटो सर्भे गर्ने क्रममा पहिरो खस्दा तीन जना घाइते भएका छन्।
- घाइतेमध्ये सवइन्जिनियर सुनिल न्यौपानेको अवस्था गम्भीर रहेको र उनलाई हेलिकोप्टर मार्फत काठमाडौं पठाइएको छ।
- इलाका प्रहरी कार्यालय लामाबगरबाट उद्धार गरिएको र अन्य दुई घाइतेको अवस्था सामान्य रहेको जिल्ला प्रहरी कार्यालय दोलखाले जनाएको छ।
३२ असार, काभ्रेपलाञ्चोक । दोलखाको विगु गाउँपालिकास्थित सानिमा हाइड्रोको बाटो सर्भे गर्ने क्रममा पहिरो खस्दा सव–इन्जिनियर सहित तीन जना घाइते भएका छन् ।
विगुगाउँपालिका-१ स्थित हुरहुरेमा रहेको सानिमा हाइड्रोपावरको बाटो सर्भे गर्ने क्रममा माथिबाट पहिरो खस्दा सव–इन्जिनियर नुवाकोट बिदुर नगरपालिका वडा-४ बस्ने २९ वर्षीय सुनिल न्यौपाने, रामेछाप लिखु तामाकोशी गा.पा वडा नं. ४ बस्ने २९ वर्षीय को विशाल बुढाथोकी र सिन्धुपाल्चोक मेलम्ची नगरपालिका वडा नं. १ भोटेचौर बस्ने २७ वर्षीय सन्दिप चौलागाईं घाइते भएका हुन् ।
घाइतेमध्ये सवइन्जिनियर न्यौपानेको अवस्था गम्भीर रहेको जिल्ला प्रहरी कार्यालय दोलखाका प्रमुख ज्ञानकुमार महतोले जानकारी दिए ।
न्यौपानेको टाउकोमा चोट लागेको र अवस्था गम्भीर (बोल्न नसक्ने) भएकोले उनलाई श्रीएयरलाइन्सको हेलिकोप्टर मार्फत हेम्स अस्पताल धुम्बाराही काठमाडौं पठाएको दोलखा प्रहरीले जनाएको छ ।
घाइतेहरुलाई इलाका प्रहरी कार्यालय लामाबगरबाट गएको प्रहरीले उद्धार गरेको थियो । घाइतेमध्ये बुढाथोकी र चौलागाईंको बाहिरी चोट पटक नदेखिएको अवस्था सामान्य रहेको प्रहरीको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4