News Summary
Generated by OK AI. Editorially reviewed.- रुकुम पश्चिमको त्रिवेणी गाउँपालिका-२ सिम्रुतु बजार नजिकै लु१ज ४११२ नम्बरको जिप दुर्घटना भएको छ।
- जिप दुर्घटनामा चालक प्रेम खड्का सहित सात जना घाइते भएका छन् र उनीहरूलाई जिल्ला अस्पताल सल्ले पठाइएको छ।
- प्रहरी निरीक्षक ऋषि पाठकले घाइतेमध्ये केहीको अवस्था सामान्य र केहीको मध्यम रहेको जानकारी दिए।
२ साउन, रुकुम पश्चिम । रुकुम पश्चिमको त्रिवेणी गाउँपालिका-२ सिम्रुतु बजार नजिकै भित्री सडक खण्डमा जिप दुर्घटना भएको छ ।
वडा नं २ को बादँरपानी, रुघाहुँदै खलङ्गा जाँदै गरेको लु१ज ४११२ नम्बरको जिप शुक्रबार सिम्रुतु बजार नजिकै दुर्घटनामा परेको हो ।
जिप दुर्घटना हुँदा सात जना घाइते भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक ऋषि पाठकले जानकारी दिए ।
उनका अनुसार घाइते हुनेमा जिप चालक त्रिवेणी–२ सिम्रुतुका ३२ वर्षीय प्रेम खड्का, त्रिवेणी–१ का ८४ वर्षीय ससे घर्ती, सोही ठाउँकै २० वर्षीया सरिता केसी, त्रिवेणी–२ की २८ वर्षीया सुनिता केसी, २२ वर्षीया गीता ओली, मुसिकोट नगरपालिका–१३ की ४० वर्षीया सपना परियार र मुसिकोट–५ का शिवकुमारी शर्मा रहेका छन् ।
घाइतेहरुको उद्धार गरी जिल्ला अस्पताल सल्ले पठाएको प्रहरीचौकी सिम्रुतुले जनाएको छ । जिप अनियन्त्रित भई सडकमै पल्टिएको थियो ।
जिप चालकसहित १० जना यात्रु रहेका थिए । घाइतेको अवस्था केहीको सामान्य र केहीको मध्यम रहेको प्रहरी निरीक्षक पाठकले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4