एभरेष्ट महिला भलिबल लिग : अक्सनपछि कुन टिम कस्तो बन्यो ?

२ साउन, काठमाडौं । एभरेष्ट महिला भलिबल लिग इडब्लुभीएलको ऐतिहासिक अक्सन काठमाडौंमा सम्पन्न भएको छ । सबै ६ टोलीले अक्सनमा विभिन्न क्याटेगोरीबाट नेपाली खेलाडी अनुबन्ध गरेका छन् ।

यसअघि ६ वटै टोलीको मार्की खेलाडी पनि टुंगो लागिसकेको छ । मार्की खेलाडी स्वत: ए क्याटेगोरीकै हुनेछन् भने अक्सनबाट थप ६ जना खेलाडी ए क्याटेगोरीमा छानिए ।

अक्सनपछि कुन टिम कस्तो देखियो त ?

मधेश युनाइटेड

मधेशको मार्की खेलाडीमा निरुता ठगुन्ना छन् । अक्सनबाट एक क्याटेगोरीमा आरती सुवेदी अनुबन्ध गरेको छ ।

बी क्याटेगोरीबाट कोपिला राना, सरस्वती कट्टेल, उषा विष्ट अनुबन्ध भए ।

सी क्याटेगोरीबाट बबिता बोहरा, बसन्ती साउद, स्नेहा ठगुन्ना अनुबन्ध भए ।

मधेशको टोली : निरुता ठगुन्ना (मार्की), आरती सुवेदी, कोपिला राना, सरस्वती कट्टेल, बबिता बोहरा, बसन्ती साउद, स्नेहा ठगुन्ना

कर्णाली यशविस

कर्णाली यशविसको मार्की खेलाडीमा सुमित्रा रेग्मी छन् । अक्सनबाट ए क्याटेगोरीमा सफिया पुन अनुबन्ध भएकी छन् ।

रश्मित दुरा, जश्ना महतो पुजा थारु बी क्याटेगोरीमा अनुबन्ध भएका छन् ।

त्यस्तै नेबिका चौधरी, रेबिका लामा तमु, एलिशा भोजु सी क्याटेगोरीमा अनुबन्ध भए ।

कर्णालीको टोली : सुमित्रा रेग्मी, सफिया पुन, रश्मित दुरा, जश्ना महतो, पुजा थारु, नेबिका चौधरी, रेबिका लामा तमु, एलिशा भोजु

पोखरा निन्जाज

पोखराको मार्की खेलाडीमा प्रगति नाथ छन् । अक्सनबाट ए क्याटेगोरीमा पुनम चन्द अनुबन्ध भइन् ।

बी क्याटेगोरीमा मिना सुनार, सुनिता खत्री र गरिमा बोहरा अनुबन्ध भए ।

त्यस्तै सी क्याटेगोरीमा एन्जिला प्रधान, निशा महर र भावना तामाङ अनुबन्ध भए ।

पोखराको टोली : प्रगति नाथ, पुनम चन्द, मिना सुनार, सुनिता खत्री, गरिमा बोहरा, एन्जिला प्रधान, निशा महर, भावना तामाङ

ललितपुर क्विन्स

ललितपुरको मार्कीमा सलिना श्रेष्ठ छन् । अक्सनबाट ए क्याटेगोरीमा संगम महतो अनुबन्ध भइन् ।

बी क्याटेगोरीमा लक्ष्मी चन्द, सुनिता राई र सलिना बुढामगर अनुबन्ध भए ।

सी क्याटेगोरीमा निशा चौधरी, सृष्टि खड्गी र भावना डाँगी अनुबन्ध भए ।

ललितपुरको टोली : सलिना श्रेष्ठ, संगम महतो, लक्ष्मी चन्द, सुनिता राई, सलिना बुढामगर, निशा चौधरी, सृष्टि खड्गी, भावना डाँगी

काठमाडौं स्पाइकर्स

काठमाडौंको मार्की खेलाडीमा उषा भण्डारी छन् । अक्सनबाट ए क्याटेगोरीमा कबिता भट्ट अनुबन्ध भइन् ।

बी क्याटेगोरीमा मनिषा चौधरी, यमुना रसाइली, रिमा कुँवर अनुबन्ध भए ।

सी क्याटेगोरीमा बाल्मिका आचार्य, कमला पुन, आशिका क्षेत्री अनुबन्ध भए ।

काठमाडौंको टोली : उषा भण्डारी, कबिता भट्ट, मनिषा चौधरी, यमुना रसाइली, रिमा कुँवर, बाल्मिका आचार्य, कमला पुन, आशिका क्षेत्री

लुम्बिनी लाभाज

लुम्बिनीको मार्की खेलाडीमा अरुणा शाही छन् । अक्सनबाट ए क्याटेगोरीमा कामना विष्ट अनुबन्ध भइन् ।

बी क्याटेगोरीमा एलिशा मानन्धर, शान्तिकला तामाङ र जेनिशा बिक अनुबन्ध भए ।

सी क्याटेगोरीमा रोमा महतो, रञ्जना भोटो, अनुशा चौधरी अनुबन्ध भए ।

लुम्बिनीको टोली : अरुणा शाही, कामना विष्ट, एलिशा मानन्धर, शान्तिकला तामाङ, जेनिशा बिक, रोमा महतो, रञ्जना भोटो, अनुशा चौधरी