News Summary
Generated by OK AI. Editorially reviewed.- राष्ट्रपति रामचन्द्र पौडेलले राष्ट्रिय प्राकृतिक स्रोत तथा वित्त आयोगका सदस्य अमरराज मिश्रको साउन १ गतेदेखि लागू हुने गरी राजीनामा स्वीकृत गरेका छन्।
- अमरराज मिश्रले आयोग सुधारका लागि गरेको प्रयास सफल नभएपछि राजीनामा दिएको बताएका थिए।
- राष्ट्रिय प्राकृतिक स्रोत तथा वित्त आयोगले संघ, प्रदेश र स्थानीय तहबीच स्रोत र वित्तको बाँडफाँटमा सल्लाह र सिफारिस गर्ने भूमिका खेल्दै आएको छ।
४ साउन, काठमाडौं । राष्ट्रपति रामचन्द्र पौडेलले राष्ट्रिय प्राकृतिक स्रोत तथा वित्त आयोगका सदस्य अमरराज मिश्रको राजीनामा स्वीकृत गरेका छन् ।
साउन १ गते मिश्रले दिएको राजीनामा राष्ट्रपति पौडेलले साेही मितिबाट लागू हुने गरी स्वीकृत गरेको राष्ट्रपति कार्यालयकी प्रवक्ता शैलेजा रेग्मी भट्टराईले आइतबार एक विज्ञप्ति जारी गर्दै जानकारी दिइन् ।
‘राष्ट्रिय प्राकृतिक स्रोत तथा वित्त आयोगको सदस्य पदबाट अमर राज मिश्रले दिएको राजीनामा साउन १ गते दिनाङ्कदेखि लागू हुने गरी माननीय राष्ट्रपतिज्यूले स्वीकृत गर्नुभएको छ’, विज्ञप्तिमा भनिएको छ ।
मिश्र नेपालको संविधानअनुसार गठित राष्ट्रिय प्राकृतिक स्रोत तथा वित्त आयोगको सदस्यमा नियुक्त भएका थिए । मिश्रले आयोग सुधारका लागि गरेको प्रयास सफल नभएपछि राजीनामा दिएको बताएका थिए ।
आयोगले संघ, प्रदेश र स्थानीय तहबीच स्रोत र वित्तको बाँडफाँटमा सल्लाह र सिफारिस गर्ने भूमिका खेल्दै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4