९ साउन, काठमाडौं । राष्ट्रिय सभाले संघीय निजामती सेवा विधेयकमा परेका संशोधनको एकीकृत विवरण सार्वजनिक गरेको छ । जसमा १६ समूहमा ४३ जना संसदले संशोधन प्रस्ताव गरेको उल्लेख छ ।
निजामती विधेयकमा रहेका प्रावधानहरूमध्ये कुलिङ अफ पिरियडको विषयमा प्रतिनिधि सभामा भएको सहमति भन्दा फरक संशोधन नेकपा एमालेको तर्फबाट परेको छ । एमालेका पाँच जना सांसदले कुलिङ अफ पिरियडको प्रावधान नराख्ने भनेर संशोधन हालेका छन् ।
प्रमुख सत्तारुढ दल नेपाली कांग्रेसले कुलिङ अफ पिरियडको समय २ वर्ष नै उचित रहेको भनेर संशोधन राखेका छन् । प्रमुख प्रतिपक्षी दल नेकपा माओवादी केन्द्रले भने कुलिङ अफ पिरियडको अवधि ३ वर्ष पुर्याउनुपर्ने प्रस्ताव राखेको छ ।
कुलिङ अफ पिरियड भनेको सरकारी कर्मचारीले राजीनामा दिएपछि वा अनिवार्य अवकाश पाएपछि निश्चित समय संवैधानिक, कूटनीतिक वा अन्य नियुक्ति लिन नपाउने सम्बन्धी प्रावधान हो । नेपालमा यस्तो अभ्यास प्रचलनमा छैन ।
यी लगायतका विषयमा सांसदहरूले संशोधन प्रस्ताव राखेका छन् ।
हेर्नुहोस्, संशोधन प्रस्तावको पूर्ण पाठ-
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4