ओम्नीको पक्षमा सर्वोच्चको फैसला

News Summary

Generated by OK AI. Editorially reviewed.

सर्वोच्च अदालतले ओम्नी बिजनेस कर्पोरेसन इन्टरनेशनल प्रालिको पक्षमा फैसला सुनाएको छ।
कोभिड महामारीमा स्वास्थ्य सामग्री खरिद विवादमा ओम्नीको भुक्तानी रोक्का गरी कालोसूचीमा राख्ने निर्णयविरुद्ध रिट दायर गरिएको थियो।
न्यायाधीश मनोजकुमार शर्मा र टेकप्रसाद ढुंगानाको इजलासले ओम्नीको पक्षमा रिट जारी गरेको छ।

२० साउन, काठमाडौं। सर्वोच्च अदालतले सरकारबाट क्षतिपूर्ति दाबी गरेको ओम्नी बिजनेस कर्पोरेसन इन्टरनेशनल (ओबीसीआई) प्रालिको पक्षमा फैसला सुनाएको छ ।

कोभिड महामारीका बेला स्वास्थ्य सामग्री खरिद प्रकरणमा विवादित कम्पनी ओम्नीको भुक्तानी रोक्का गरी स्वास्थ्य सेवा विभागले कालोसूचीमा राख्न सिफारिस गरेपछि सर्वोच्चमा रिट दायर भएको थियो ।

विभागको यो निर्णयविरुद्ध ओम्नी सर्वोच्च अदालत गएको थियो । सोमबार न्यायाधीश मनोजकुमार शर्मा र टेकप्रसाद ढुंगानाको इजलासले ओम्नीको पक्षमा रिट जारी गरेको हो ।

स्वास्थ्य सेवा विभागले कोरोना महामारी फैलिँदै गएपछि चीनबाट स्वास्थ्य सामग्री खरिदका लागि ओम्नीसँग सम्झौता गरेको थियो । तर ओम्नीले पहिलो लटको सामान ल्याएपछि सम्झौताअनुसार थप सामान ल्याउन नसकेको, ल्याएको सामग्री कमसल खालको भएको भन्दै विभागले सम्झौता रद्ध गर्ने, बैंक जमानत जफत गर्ने र कालोसूचीमा राख्ने प्रक्रिया अघि बढाउने निर्णय गरेको थियो ।

त्यसविरुद्ध ओम्नी ४० करोड क्षतिपूर्ति दाबी गर्दै अदालत गएको थियो ।