२०८२ भदौ १ गते ८:४२ 
News Summary
Generated by OK AI. Editorially reviewed.- म्यानचेष्टर सिटीले हालान्डको दुई गोल र तिजानी रेइन्डर्स तथा राएन चेर्कीको डेब्यु गोलमा वुल्भ्सलाई ४–० ले पराजित गरेको छ ।
- हालान्डले ३४औं र ६१औं मिनेटमा गोल गरे भने रेइन्डर्स र चेर्कीले प्रिमियर लिग डेब्युमै गोल गरेका हुन् ।
- टोटनहम, सण्डरल्याण्डले समान ३-० ले जित्दा ब्राइटन र फुलहम १-१ गोलको बराबरीमा रोकिए, एस्टन भिल्ला र न्यूकासलले गोलरहित बराबरी खेले ।
काठमाडौं । एर्लिङ हालान्डको दुई गोल तथा तिजानी रेइन्डर्स र राएन चेर्कीले डेब्यु गोलमा गरेपछि म्यानचेष्टर सिटीले वुल्भ्सलाई ४–० ले पराजित गरेको छ ।
रेइन्डर्स र चेर्कीले प्रिमियर लिग डेब्युमै गोल गरेका हुन् ।
हालान्डले ३४औं मिनेटमा रिको लुइसको क्रसमा गोल गर्दै सिटीलाई अग्रता दिलाएका थिए । त्यसको एक मिनेटपछि नै रेइन्डर्सको अक्कर बोबको उत्कृष्ट पासमा वान टच फिनिस गरे ।
हालान्डले ६१औं मिनेटमा व्यक्तिगत दोस्रो गोल गरे । हालान्डकै स्थानमा मैदान प्रवेश गरेका चेर्कीले ८१औं मिनेटमा गोल गरे ।
जितपछि सिटीले ३ अंक जोडेर प्रिमियर लिगको सुरुवात गरेको छ ।
लिगकै अन्य खेलमा टोटनहमले बर्नलेलाई तथा सण्डरल्याण्डले वेष्टहम युनाइटेडलाई समान ३-० ले हराउँदै विजयी सुरुवात गरेको छ । ब्राइटन र फुलहमले १-१ गोलको बराबरी खेल्दा एस्टन भिल्ला र न्यूकासलले गोलरहित बराबरी खेल्दै अंक बाँडे ।
प्रतिक्रिया 4