नेपालका अभौतिक सम्पदा अन्तर्राष्ट्रिय सूचीमा दर्ता गरिँदै

News Summary

Generated by OK AI. Editorially reviewed.

संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले नेपालमा दर्ता भएका अभौतिक सांस्कृतिक सम्पदालाई अन्तर्राष्ट्रिय सूचीमा दर्ता गर्ने प्रक्रिया अघि बढाइएको जानकारी दिएका छन्।
सरकारले अभौतिक सम्पदा संरक्षणलाई प्राथमिकतामा राखेर कार्यविधि बनाएर हालसम्म १ सय ५ वस्तु दर्ता गरिसकेको मन्त्री पाण्डेले बताए।
नेवार समुदायको परिकार \'योमरी\' नेपालमा दर्ता भएको पहिलो अभौतिक सम्पदा भएको र विधेयकले संरक्षणमा ठूलो टेवा पुग्ने मन्त्री पाण्डेले उल्लेख गरे।

६ भदौ, काठमाडौं । संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले नेपालमा दर्ता भएका अभौतिक सांस्कृतिक सम्पदालाई अन्तर्राष्ट्रिय अभौतिक सांस्कृतिक सम्पदा सूचीमा दर्ता गर्ने प्रक्रिया अघि बढाइएको जानकारी दिएका छन् ।

शुक्रबार बसेको राष्ट्रिय सभा बैठकमा अभौतिक सांस्कृतिक सम्पदा (संरक्षण) विधेयक २०८१ माथि विचार गरियोस् भन्ने प्रस्तावमा उठेका प्रश्नहरूको जवाफ दिँदै मन्त्री पाण्डेले नेपाल सरकारले अभौतिक सम्पदा संरक्षण र सूचीकरणलाई प्राथमिकतामा राखेको बताए ।

मन्त्री पाण्डेका अनुसार सरकारले कार्यविधि बनाइ हालसम्म १ सय ५ वस्तु अभौतिक सम्पदाका रूपमा दर्ता गरिसकेको छ । नेवार समुदायको परिकार ‘योमरी’ नेपालमा दर्ता भएको पहिलो अभौतिक सम्पदा भएको उनले जानकारी दिए ।

‘यो विधेयक कानुन बनेपछि मौलिक अभ्यासहरूको सूचीकरण मात्र नभई प्रचार–प्रसार र संरक्षणमा समेत ठूलो टेवा पुग्ने छ,’ मन्त्री पाण्डेले भने । विधेयक निर्माण क्रममा सरोकारवाला पक्षसँग विस्तृत छलफल गरिसकिएको उनले जानकारी गराए ।