२०८२ भदौ १२ गते १३:०७ 
News Summary
Generated by OK AI. Editorially reviewed.- नेपाल \'ए\' ले भारतको गुवाहाटीमा सुरु भएको टी-२० सिरिजअन्तर्गत पहिलो खेलमा आसामबाट १९१ रनको लक्ष्य पाएको छ।
- आसामले २० ओभरमा ८ विकेट गुमाएर १९० रन बनाएको थियो, जसमा कप्तान सुमित घदिअन्करले ३४ रन बनाए।
- नेपालका आकाश चन्दले ३ विकेट लिए भने विवेक यादव र कमलसिंह ऐरीले २-२ विकेट लिए।
१२ भदौ, काठमाडौं । भारतको गुवाहाटीमा आजदेखि सुरु भएको नेपाल ‘ए’ र आसामबीचको टी-२० सिरिजअन्तर्गत पहिलो खेल जित्न नेपाल ‘ए’ ले बलियो लक्ष्य पाएको छ ।
टस हारेर पहिले ब्याटिङको निम्तो पाएको आसामले २० ओभरमा ८ विकेट गुमाएर १९० रन बनाउँदै नेपाललाई १९१ रनको लक्ष्य प्रस्तुत गरेको हो ।
आसामका लागि कप्तान सुमित घदिअन्करले सर्वाधिक ३४ रन बनाए । त्यस्तै रोहित सेनले २४ रन बनाए । अन्त्यतिर विस्फोटक ब्याटिङ गर्दै आकाश सेनगुप्ता ८ बलमा २४ तथा अभिनव चौधरी ७ बलमा २६ रनमा अविजित रहे ।
आसामले राम्रो सुरुवात गरेपछि बीचका ओभरमा नेपालका बलरले किफायती बलिङ गरेपछि दबाबमा आएको थियो । तर अन्तिमका २ ओभरमा सेनगुप्ता र चौधरी मिलेर ५० रनको साझेदारी गर्दै बलियो योगफलमा पुर्याए ।
नेपालका लागि आकाश चन्दले ३ विकेट लिए भने विवेक यादव र कमलसिंह ऐरीले २-२ विकेट लिँदा आदिल आलमले १ विकेट लिए ।
प्रतिक्रिया 4