२०८२ भदौ १७ गते १५:३६ 
News Summary
Generated by OK AI. Editorially reviewed.- ज्ञान निकेतनले ३१औं ज्ञान कार्निभलअन्तर्गत ब्वाइज बास्केटबलमा टीआईएलाई ७७–७२ ले पराजित गरी च्याम्पियन बनेको छ।
- रिब्सले गर्ल्स बास्केटबल फाइनलमा मल्पी इन्टरनेसनललाई ४१–१६ ले हराउँदै च्याम्पियन भएको छ।
- लिटिल एन्जल्सले पाँच टिम सहभागी फुटबलमा सर्वाधिक १२ अंक जोड्दै उपाधि जितेको छ।
१७ भदौ, काठमाडौं । ज्ञान निकेतन, रिब्स र लिटिल एन्जल्स (एलए) ३१औं ज्ञान कार्निभलअन्तर्गत बास्केटबल र फुटबलमा मंगलबार च्याम्पियन बनेका छन् ।
बास्केटबलको ब्वाइजमा ज्ञान निकेतन र गर्ल्समा रिब्स च्याम्पियन बने । एलएले फुटबलको उपाधि जितेको हो ।
खोकनास्थित आयोजक ज्ञानोदय बाल वाटिकाको हलमा भएको ब्वाइज बास्केटबल फाइनलमा ज्ञान निकेतनले टीआईएलाई ७७–७२ ले पराजित गर्यो । ज्ञान निकेतनको जितमा दिप्सन अधिकारीले ३२ अंक योगदान गरे ।
यस्तै गर्ल्सतर्फ फाइनलमा सुप्रिया मल्लको २१ अंक सहयोगमा रिब्सले मल्पी इन्टरनेसनललाई ४१–१६ ले हरायो ।
फाइनलका सर्वाधिक स्कोरकर्ताद्वय दिप्सन र सुप्रिया ‘मोस्ट भेलुएबल प्लेयर’ घोषित भए ।
पाँच टिम सहभागी ब्वाइज फुटबलमा पहिलो भएको एलएले सर्वाधिक १२ अंक जोड्यो । राउन्ड रोविन लिगमा एलएले बृहस्पति विद्या सदनलाई ६–०, द एक्सेल्सियर स्कुललाई २–०, आयोजक ज्ञानोदयलाई ३–१ र मल्पीलाई ६–१ गोलले पराजित गरेको थियो । बृहस्पति ७ अंकसाथ दोश्रो भयो । बृहस्पतिले एक्सेल्सियर र मल्पीलाई हराएको थियो । ज्ञानोदयसंग बराबरी खेलेको बृहस्पति एलएसंग पराजित भएको थियो ।
विजेतालाई आयोजक ज्ञानोदयकी संस्थापक प्रिन्सिपल इन्दिरा याक्थुम्बा, सिनियर भाइस प्रिन्सिपल भानु एलगायतले एक कार्यक्रमबीच पुरस्कृत गरे । बास्केटबलको ब्वाइजमा २४ तथा गल्र्समा १२ टिम सहभागी थिए ।
प्रतिक्रिया 4