रास्वपाले रोक्यो सबै औपचारिक कार्यक्रम

News Summary

Generated by OK AI. Editorially reviewed.

राष्ट्रिय स्वतन्त्र पार्टीले प्रहरी दमनमा १६ जनाको मृत्युपछि सबै औपचारिक कार्यक्रम स्थगित गर्ने निर्णय गरेको छ।
महामन्त्री कविन्द्र बुर्लाकोटीले मातहतका पार्टी संरचनालाई अर्को सूचना नभएसम्म कार्यक्रम रोक्न निर्देशन दिएका छन्।
पछिल्लो घटनाबारे धारणा सार्वजनिक गर्न रास्वपाको सचिवालय बैठक बसिरहेको छ।

२३ भदौ, काठमाडौं। राष्ट्रिय स्वतन्त्र पार्टी (रास्वपा)ले पार्टीका सबै औपचारिक कार्यक्रम स्थगित गर्ने भएको छ ।

जेनजीले सोमबार गरेको प्रदर्शनमा प्रहरी दमनबाट सर्वसाधारण १६ जनाको मृत्यु र दर्जनौं घाइते भएपछि रास्वपाले सबै कार्यक्रम रोक्ने निर्णय गरेको हो ।

महामन्त्री कविन्द्र बुर्लाकोटीले मातहतका पार्टी संरचनालाई औपचारिक सबै कार्यक्रम रोक्ने निर्देशन दिएका हुन् ।

‘अहिलेको विषम परिस्थितिलाई ध्यानमा राख्दै अर्को सूचना नभएसम्मका लागि पार्टीका सम्पूर्ण औपचारिक कार्यक्रमहरू स्थगित गर्न तत् तत् तहगत समिति, संयन्त्रमा तत्काल सूचित गर्नुहुन निर्देशन गरिन्छ,’ महामन्त्री बुर्लाकोटी पठाएको निर्देशनमा उल्लेख छ ।

पछिल्लो घटना बारे पार्टीको धारणा सार्वजनिक गर्न रास्वपाको सचिवालय बैठक बसिरहेको छ ।