अस्ट्रेलियाका नेपालीलाई राजेश हमालको आग्रह : मौलिकता नबिर्सनूस

क्यानवेरामा आयोजित कार्यक्रममा सम्मान ग्रहण गर्दै अभिनेता राजेश हमाल । तस्वीर : राजन घिमिरे

News Summary

Generated by OK AI. Editorially reviewed.

अस्ट्रेलियाको क्यानवेरामा अभिनेता राजेश हमाललाई ३ दशकभन्दा बढी सक्रियताका लागि 'स्टारलिङ्क चलचित्र सम्मान' प्रदान गरिएको छ।
स्टारलिङ्क मोट्र्गेज एण्ड फाइनान्सेसको प्रायोजनमा भएको कार्यक्रममा हमाललाई नेपाली फिल्मका चम्किला तारामध्ये एकका रूपमा सम्मान गरिएको छ।
हमालले प्रवासमा जन्मिएका दोस्रो पुस्ताका नेपालीलाई मुलुकसँग जोड्ने र मौलिकता बिर्सन नहुने आग्रह गर्नुभएको छ।

सिड्नी । अस्ट्रेलियाली राजधानी क्यानवेरामा अभिनेता राजेश हमाललाई ‘स्टारलिङ्क चलचित्र सम्मान’ प्रदान गरिएको छ ।

चलचित्र क्षेत्रमा ३ दशकभन्दा बढी समयदेखि सक्रिय रहेबापत उनलाई सम्मान गरिएको हो । अभिनय, व्यक्तित्व, शिष्टाचार र समाजसेवामार्फत नेपालीलाई प्रेरित गर्न हमालको भूमिका रहेको जनाइएको छ ।

स्टारलिङ्क मोट्र्गेज एण्ड फाइनान्सेसको प्रमुख प्रायोजन रहेको उक्त सम्मान कार्यक्रम फोटो कथाको आयोजनामा सम्पन्न भएको हो ।

संस्थाले सम्मान पत्रमार्फत हमाललाई नेपाली फिल्मका सबैभन्दा चम्किला तारामध्ये एकका रूपमा व्याख्या गरेको छ ।

कार्यक्रममा क्यानवेरास्थित नेपाली संघसंस्थाका प्रतिनिधि, समुदायका अगुवा, कलाप्रेमी र संचारकर्मी सहभागी थिए ।

सो अवसरमा हमालले प्रवासमा जन्मिएका र हुर्किएका दोस्रो पुस्ताका नेपालीलाई मुलुकसँग जोड्ने काम गर्न नेपाली समुदायमाझ आग्रह गरे ।

उनले प्रवासमा रहेका नेपालीलाई आफ्नो मौलिकता र पहिचान बिर्सन नहुने सुझाव दिए ।