क्षतिग्रस्त प्रहरी चौकी पुननिर्माण गर्न दीपकराज गिरीले प्रदान गरे आर्थिक सहयोग

News Summary

Generated by OK AI. Editorially reviewed.

अभिनेता दीपकराज गिरीले जेनजी आन्दोलनको क्रममा क्षतिग्रस्त प्रहरी वृत्त थानकोटको पुननिर्माणका लागि ५ लाख रुपैयाँ आर्थिक सहयोग प्रदान गरे।
गतसाता भएको आगजानी र तोडफोडमा प्रहरी कार्यालयमा ७ करोड रुपैयाँ बराबरको क्षति पुगेको प्रारम्भिक अनुमान छ।
दीपकले प्रहरीको मनोबल बढाउन सहयोग गरेको बताए र अमेरिकामा ‘छक्कापञ्जा टूर’मा सहभागी हुने तयारी गरिरहेका छन्।

काठमाडौं । अभिनेता तथा फिल्म निर्माता दीपकराज गिरीले जेनजी आन्दोलनको क्रममा क्षतिग्रस्त प्रहरी चौकीको पुननिर्माणको लागि आर्थिक सहयोग प्रदान गरेका छन् ।

आफ्नो जन्मथलो काठमाडौंको थानकोट चेकपोस्टस्थित प्रहरी वृत्त थानकोट पुगेर उनले ५ लाख रुपैयाँ प्रदान गरे । डीएसपी एलिजा गिरीलाई दीपकले सहायता प्रदान गरे ।

गतसाता आयोजित जेनजी आन्दोलनको क्रममा उक्त प्रहरी कार्यालयमा समेत आगजानी र तोडफोड भएको थियो ।

आगजानीमा कार्यालयमा रहेका करोडौं मूल्य पर्ने प्रविधि र सञ्चारका उपकरण, पोशाक तथा महत्वपूर्ण संरचनामा क्षति पुगेको छ । कार्यालयको नयाँ भवनबाट ५ महिना अघिदेखि कामकाज सुरु भएको थियो ।

आगजानी र तोडफोडमा कार्यालयमा ७ करोडको क्षति पुगेको प्रारम्भिक अनुमान छ ।

‘यस्तो परिस्थितीमा प्रहरीको मनोबल बढाउन मैले आर्थिक सहयोग दिएको हुँ । आफ्नो ठाउँबाट यो अभियानको सुरुवात गरेको हुँ’ गिरीले भने, ‘परिस्थितीअनुसार अन्यत्र पनि सहयोग गर्ने योजना छ ।’

कामको कुरा गर्दा, दीपक अर्को साता अमेरिकामा आयोजना हुने ‘छक्कापञ्जा टूर’मा निस्किँदैछन् । अमेरिकाबाट फर्किएपछि फिल्ममा ब्यस्त हुने उनको तयारी छ ।