निजी क्षेत्रलाई उठाउन ‘रिफाइनान्सिङ’ आवश्यक : दीपक मल्होत्रा

News Summary

Generated by OK AI. Editorially reviewed.

नेपाल चेम्बर अफ कमर्सका वरिष्ठ उपाध्यक्ष दीपक मल्होत्राले जेनजी आन्दोलनका कारण समस्यामा परेका उद्योगीलाई रिफाइनान्सिङको व्यवस्था मिलाउनुपर्ने बताए।
उनले अहिलेको समस्या भूकम्प र कोभिड–१९ को भन्दा फरक भएकाले प्राथमिकतामा राखेर हेर्न आग्रह गरे।
मल्होत्राले देशको पैसा र दक्ष युवा विदेश पलायन भइरहेको भन्दै सरकारले तत्काल नियन्त्रण गर्न आवश्यक रहेको बताए।

७ असोज, काठमाडौं । नेपाल चेम्बर अफ कमर्सका वरिष्ठ उपाध्यक्ष दीपक मल्होत्राले जेनजी आन्दोलनका कारण समस्यामा परेका उद्योगीलाई रिफाइनान्सिङको व्यवस्था मिलाउनुपर्ने बताएका छन् ।

अहिलेको अवस्थाबाट उद्योगीलाई उठाउनको रिफाइनान्सिङ आवश्यक रहेको उनको भनाइ छ ।

उनले अहिलेको समस्या भूकम्प तथा कोभिड–१९ को भन्दा फरक भएकोले यसलाई प्राथमिकतामा राखेर हेर्न आग्रह गरे ।

सरकारले पुनरुत्थानका लागि उद्योगी व्यवसायीलाई कर्जामा सहुलियत दिन आवश्यक रहेको बताउँदै उनले अहिलेको समस्या समाधान गर्नका लागि राष्ट्र बैंकले बेस रेटमा कर्जा उपलब्ध गराउन आवश्यक रहेको बताए ।

आर्थिक पत्रकार संघले काठमाडौंमा मंगलबार आयोजना गरेको कार्यक्रममा मल्होत्राले भने, ‘मैले देखेको अहिलेको समस्या दुई प्रकारका छन् । एउटा देशमा भएको पैसा विदेश पलायन भइरहेको छ । दोस्रोमा हाम्रो काम गर्न दक्ष युवा विदेश पलायन भइरहेका छन् । यसलाई सरकारले तत्काल नियन्त्रण गर्न आवश्यक छ ।’

११ लाख युवा वैदेशिक रोजगार तथा विद्यार्थी भिसामा विदेश गएका र नेपालको जनशक्ति घट्दो अवस्थामा रहेको बताए । यसलाई रोक्न सरकारले कदम चाल्न आवश्यक रहेको उनको भनाइ छ ।