माछापुच्छ्रे बैंकको ८ प्रतिशत लाभांश स्वीकृत

News Summary

Generated by OK AI. Editorially reviewed.

माछापुच्छ्रे बैंकको २७औं वार्षिक साधारणसभाले ८ प्रतिशत लाभांश दिने प्रस्ताव पारित गरेको छ।
साधारणसभाले ४ प्रतिशत नगद र ४ प्रतिशत बोनस सेयर गरी लाभांश वितरण गर्ने निर्णय गरेको छ।
बोनस सेयरपछि बैंकको चुक्ता पूँजी १२ अर्ब ८ करोड रुपैयाँ पुग्नेछ र नगद लाभांश दशैंअघि सेयरधनीको खातामा पठाइनेछ।

१२ असोज, काठमाडौं । माछापुच्छ्रे बैंकको २७औं वार्षिक साधारणसभाले सेयरधनीलाई ८ प्रतिशत लाभांश दिने प्रस्ताव पारित गरेको छ ।

बैंकको शुक्रबार सम्पन्न साधारणभाले ४ प्रतिशत नगद र ४ प्रतिशत बोनस सेयर गरी ८ प्रतिशत लाभांश दिने प्रस्ताव पारित गरेको हो ।

पोखरामा सम्पन्न बैंकको साधारणसभाले आर्थिक वर्ष २०८१/८२ को वार्षिक प्रतिबेदन पारित गरेको छ । साथै, आव २०८१/८२ को खुद नाफाबाट आफ्ना सेयरधनीलाई चुक्ता पूँजीको ८ प्रतिशत लाभांश (करसहित) वितरण गर्ने प्रस्ताव पारित गरेको हो ।

माछापुच्छ्रे बैंक चालु आव वार्षिक साधारणसभा सम्पन्न गर्ने र लाभांश वितरण गर्ने पहिलो बैंक बनेको छ । बैंकले उक्त नगद लाभांश दशंैअघि नै सम्बन्धित सेयरधनीको खातामा पठाइसक्ने छ ।

बोनस सेयर वितरणपछि बैंकको कुल चुक्ता पूँजी १२ अर्ब ८ करोड पुग्ने छ । बैंकले गत आव १ अर्ब ८८ करोड रुपैयाँ खुद नाफा गरेर प्रतिसेयर आम्दानी १६ रुपैयाँ २१ पैसा कायम गरेको थियो ।