काठमाडौंका विभिन्न स्थानमा डुबानको खतरा, महानगरले शुरु गर्‍यो हेल्पलाइन सेवा

News Summary

Generated by OK AI. Editorially reviewed.

गए रातिदेखि निरन्तर वर्षा भएपछि काठमाडौं महानगरपालिकाका प्रतिनिधिहरू जोखिमयुक्त स्थानहरूको अवलोकनमा खटिएका छन्।
काठमाडौं महानगरपालिका–१४ कोहिनुर हाउजिङ नजिकै करखुसी खोलाको छेउमा पहिरो गएर सडक भासिएको छ।
महानगरपालिकाले नदी कटान रोक्न बोरा र ग्राभेल प्रयोग गरी प्रयास गरिरहेको छ र जोखिमयुक्त बस्तीहरूलाई सतर्क रहन अनुरोध गरेको छ।

१८ असोज, काठमाडौं । गए रातिदेखि निरन्तर वर्षा भएपछि काठमाडौं महानगरपालिकाका प्रतिनिधिहरू सम्भावित जोखिमयुक्त स्थानहरूको अवलोकनमा खटिएका छन् ।

शनिबार बिहान करिब ९ बजे काठमाडौँ महानगरपालिका–१४ कोहिनुर हाउजिङ नजिकै करखुसी खोलाको छेउमा पहिरो गएर सडक भासिएको छ । उक्त सडक छेउका घरहरू जोखिममा पर्ने सम्भावना बढेको छ ।

अहिले त्यहाँ थप क्षति रोक्न महानगर प्रहरी बल र विपद् व्यवस्थापन विभागको समन्वयमा बोरा र ग्राभेल प्रयोग गरी नदी कटान रोक्ने प्रयास भइरहेको महानगरपालिकाले जनाएको छ ।

महानगरपालिकाका अनुसार, कुनै बस्तीमा डुबानको कारण समस्या उत्पन्न भएमा नजिकैको सुरक्षित विद्यालयमा सार्ने तयारी गरिएको छ । जोखिमयुक्त बस्तीहरूलाई सतर्क रहन अनुरोध गरिएको छ ।

कुनै समस्या परेमा तुरुन्त सम्पर्क गर्न सकिने हेल्पलाइन नम्बरहरू महानगरापालिकाले सार्वजनिक गरेको छ । महानगरले १६६००१०५५११, ०१५९०१७६४, ०१५९०१७६३ नम्बरमा सम्पर्क गरी विपद्जन्य समस्याबारे जानकारी दिन महानगरवासीलाई आग्रह गरेको छ ।

महानगरपालिकाका अनुसार, कुनै समस्या परेमा यी हेल्पलाइनमा सम्पर्क गर्न सकिनेछ ।