कार्यालय प्रमुखहरूलाई अनिवार्य रुपमा कार्यस्थल पुग्न निर्देशन

News Summary

Generated by OK AI. Editorially reviewed.

सरकारले कार्यालय प्रमुखहरूलाई असोज १८ भित्र अनिवार्य रूपमा कार्यस्थल पुग्न निर्देशन दिएको छ।
संघीय मामिला तथा सामान्य प्रशासन मन्त्रालयले सूचना निकालेर मन्त्रालयका जिल्लास्थित कार्यालय प्रमुखहरूलाई कार्यस्थल पुग्न भनेको हो।
जल तथा मौसम विज्ञान विभागले असोज २० गतेसम्म मध्यम देखि भारी वर्षाको सम्भावना रहेको जानकारी दिएको छ।

१८ असोज, काठमाडौं । सरकारले कार्यालय प्रमुखहरूलाई अनिवार्य रुपमा कार्यस्थल पुग्न भनेको छ ।

नेपाल सरकार संघीय मामिला तथा सामान्य प्रशासन मन्त्रालयले सूचना निकालेर यस्तो भनेको हो ।

जल तथा मौसम विज्ञान विभागका अनुसार यही असोज २० गतेसम्म देशका विभिन्न भागहरूमा मध्यम देखि भारी वर्षाको सम्भावना रहेको छ । यो अवस्थामा आ–आफ्नो मन्त्रालय अन्तर्गतका जिल्लास्थित कार्यालय प्रमुखहरूलाई असोज १८ अर्थात् आजैसम्ममा अनिवार्य रूपमा कार्यस्थल पुग्न सक्ने व्यवस्था मिलाउन भनिएको छ ।

कार्यस्थल पुगेर पूर्व तयारी र प्रतिकार्यको काममा जुट्नका लागि निर्देशन गर्न प्रधानमन्त्री तथा मन्त्रिपरिषद्‌को कार्यालयबाट निर्देशन प्राप्त भएअनुसार सूचना निकालेको संघीय मामिला मन्त्रालयले जनाएको छ ।

मन्त्रालयका उपसचिव भुवनेश्वर लामिछानेले निकालेको सूचनामा ‘सबै जिल्ला समन्वय अधिकारी तथा स्थानीय तहका प्रमुख प्रशासकीय अधिकृतहरूले निर्देशन कार्यान्वयन हुने व्यवस्था गर्न/गराउन हुन अनुरोध छ ।’

हेर्नुहोस् संघीय मामिला तथा सामान्य प्रशासन मन्त्रालयको सूचना :