कामना सेवा विकास बैंकको १५ प्रतिशत लाभांश प्रस्ताव पारित

News Summary

Generated by OK AI. Editorially reviewed.

कामना सेवा विकास बैंक लिमिटेडको १९औं वार्षिक साधारणसभाले सेयरधनीलाई १५ प्रतिशत बराबर लाभांश दिने प्रस्ताव पारित गरेको छ।
साधारणसभाले १० प्रतिशत बोनस सेयर र ५.७८९५ प्रतिशत नगद लाभांश गरी कुल १५.७८९५ प्रतिशत लाभांश पारित गरेको हो।
सभाले आगामी चार वर्षका लागि संस्थापक र सर्वसाधारण समूहका सदस्यहरूलाई निर्विरोध निर्वाचित गरेको छ।

२४ असोज, काठमाडौं । कामना सेवा विकास बैंक लिमिटेडको १९औं वार्षिक साधारणसभाले सेयरधनीलाई १५ प्रतिशत बराबर लाभांश दिने प्रस्ताव पारित गरेको छ ।

बैंक सञ्चालक समितिका अध्यक्ष सुदीप आचार्यको अध्यक्षतामा बसेको साधारणसभाले उक्त दरको लाभांश पारित गरेको हो । साधारणसभाले १० प्रतिशत बोनस सेयर तथा ५.७८९५ प्रतिशत नगद लाभांश (करसमेत) गरी कुल १५.७८९५ प्रतिशत लाभांश पारित गरेको हो ।

साधारणसभाबाट लेखा परीक्षकको प्रतिवेदन सहित आथिैक वर्ष २०८१/८२ को वार्षिक वित्तीय विवरण, वासलात, नाफा नोक्सान हिसाब र सोही आवको नगद प्रवाह विवरण, नाफा नोक्सान बाँडफाँट हिसाब लगायत वित्तीय विवरणसँग सम्बन्धित अनुसूची सर्वसम्मतिले पारित गरेको छ ।

त्यसैगरी सभाबाट आगामी चार वर्षका लागि संस्थापक समूह अन्तर्गत सुदीप आचार्य, भीमप्रसाद तुलाचन, चतुराखर अधिकारी र सर्वसाधारण समूह अन्तर्गत बलराम बराल, विश्वेश्वर सुवेदी र डा. पवनकुमार शर्मा निर्विरोध निर्वाचित भएका छन् ।

साधारण सभाले चालु आव २०८२/८३ को लेखा परीक्षक नियुक्ति गर्न बैंकको लेखा परीक्षण समितिले सिफारिस गरे बमोजिम लेखा परीक्षक एनबीएसएम एन्ड एसोसिएट्सलाई नियुक्ति गर्ने प्रस्ताव पारित गरेको छ ।