झण्डै २ घण्टा ढिला सुरु भयो कांग्रेस बैठक

फाइल तस्वीर

News Summary

Generated by OK AI. Editorially reviewed.

नेपाली कांग्रेसको केन्द्रीय कार्यसमिति बैठक ३० असोजमा कार्यबाहक सभापति पूर्णबहादुर खड्काको अध्यक्षतामा सुरु भएको छ।
बैठकमा १५ औं महाधिवेधनको तयारी, जेनजी प्रदर्शन, प्रतिनिधिसभा विघटन र निर्वाचनबारे छलफल हुनेछ।
जेनजी आन्दोलनपछिका कार्यालय पुननिर्माण, शान्ति सुरक्षा, प्राकृतिक विपत् र कार्यसम्पादन समितिका निर्णयहरू अनुमोदन गर्ने एजेन्डा छ।

३० असोज, काठमाडौं । नेपाली कांग्रेसको केन्द्रीय कार्यसमिति बैठक सुरु भएको छ । बैठक निर्धारित समयभन्दा भण्डै दुई घण्टा ढिलोगरी सुरु भएको हो ।

कार्यबाहक सभापति पूर्णबहादुर खड्काको अध्यक्षतामा बैठक चलिरहेको हो ।

२८ गतेबाट सुरु भएको केन्द्रीय समितिको बैठकमा आजदेखि एजेन्डामा छलफल हुनेछ ।

बैठकमा १५ औं महाधिवेधनको तयारीका बारेमा छलफल हुनेछ । मंसिरभित्र नियमित महाधिवेशन गर्नुपर्ने र गर्न नसकिने दुईथरी मत पार्टीमा छ । बैठकको थप एजेन्डामा जेनजी प्रदर्शन र विकसित राजनीतिक घटनाक्रम रहेको छ ।

जेनजी आन्दोलनपछि पहिलोपटक बस्न लागेको केन्द्रीय समिति बैठकमा प्रतिनिधिसभा विघटन र घोषित निर्वाचनका बारेमा छलफल हुनेछ ।

जेनजी आन्दोलनको दोस्रो दिनमा तोडफोड र आगजनी भएका केन्द्रीय कार्यालयसहित सबै कार्यालायको पुन निर्माणको छलफल बैठकमा हुनेछ ।

बैठकका थप एजेन्डामा मुलुकको शान्ति सुरक्षा, प्राकृतिक विपत्, कार्यसम्पादन समितिको निर्णयहरू अनुमोदन, विविध लगायत छन् ।