‘परान’को मर्मस्पर्शी ट्रेलर : सन्तानको सामीप्यता खोजिरहेका बाबुको दर्द

News Summary

Generated by OK AI. Editorially reviewed.

फिल्म ‘परान’को मर्मस्पर्शी ट्रेलर १४ कात्तिकदेखि प्रदर्शन तयारीमा सार्वजनिक गरिएको छ।
फिल्मले जीवनको उत्तरार्धमा बाबुको सन्तानको सामीप्यताको खोजी र उत्पन्न परिस्थितिलाई देखाएको छ।
अभिनेता नीर शाहको मुख्य भूमिका रहेको फिल्म दीपकप्रसाद आचार्यले निर्देशन गरेका हुन्।

काठमाडौँ । १४ कात्तिकदेखि प्रदर्शन तयारीमा रहेको फिल्म ‘परान’को मर्मस्पर्शी ट्रेलर सार्वजनिक गरिएको छ ।

ट्रेलरले कथावस्तुबारे संक्षिप्तरुपमा प्रकाश पार्छ । जीवनको उत्तरार्धमा आफ्ना सन्तानको सामीप्यताको खोजी गरिरहेका एक बाबुको पीडाको संवेदनालाई देखाउन खोजेको देखिन्छ ।

बाबुआमाले बुढेसकालमा सन्तानको साथ चाहने र सन्तानले आफ्नै आकांक्षालाई रोज्दा उत्पन्न हुने परिस्थितिलाई कथा बनाइएको छ ।

शीर्ष भूमिकामा अभिनेता नीर शाहले अभिनय गरेका छन् । छोराको भूमिकामा महेश त्रिपाठी र बुहारीको रोलमा अञ्जना बराइलीले अभिनय गरेका छन् ।

फिल्मलाई अभिनेता समेत रहेका दीपकप्रसाद आचार्यले निर्देशन गरेका हुन् । आचार्य टिभी श्रृंंखलाहरूमा काकु नामले परिचित छन् ।

पटकथा र संवाद यम थापाले तयार पारेका हुन् । व्यवसायिक घराना गोल्छा र प्रिज्मा समूहको साझेदारीमा स्थापना भएको कम्पनी ‘बाइस्कोप सिनेमा प्रालिले फिल्म निर्माण गरेको हो ।

फिल्ममा मदनकृष्ण श्रेष्ठ, पूजा चन्द, केकी अधिकारी, प्रवीण खतिवडा, बुद्धि तामाङ, यासेली योङहाङ, बबिन राई, पुष्पराज ओझा, सीमा काफ्ले, दमन रुपाखेती लगायतको अभिनय छ ।