इरानको परमाणु कार्यक्रमलाई सघाएको भन्दै अमेरिकाद्वारा ३२ कम्पनीमाथि प्रतिबन्ध

News Summary

Generated by OK AI. Editorially reviewed.

अमेरिकाले इरानको आणविक कार्यक्रमलाई सघाएको आरोपमा चीन, भारत, हङकङ, यूएई, टर्की लगायत ३२ संस्था र व्यक्तिहरूमाथि प्रतिबन्ध लगाएको छ।
अमेरिकी विदेश विभागले प्रतिबन्धलाई २७ सेप्टेम्बरमा संयुक्त राष्ट्रसंघले इरानमाथि लगाएको प्रतिबन्ध पुनः लागू गर्ने निर्णयको समर्थनमा लिएको जनाएको छ।
इरानमाथिको प्रतिबन्ध परमाणु कार्यक्रमबारे अन्तर्राष्ट्रिय सम्झौतापछि हटाइएको थियो, तर यस वर्ष सेप्टेम्बरमा राष्ट्रसंघले पुनः व्यापक आर्थिक र सैन्य प्रतिबन्ध लगाएको छ।

२७ कात्तिक, काठमाडौं । इरानको आणविक कार्यक्रमलाई सघाएको भन्दै अमेरिकाले चीन, भारत लगायतका देशका कम्पनीमाथि प्रतिबन्ध लगाएको छ ।

भारत, इरान, चीन, हङकङ, संयुक्त अरब इमिरेट्स( यूएई) टर्कीएका साथै अन्य क्षेत्रका ३२ संस्था र व्यक्तिहरूमाथि अमेरिकाले प्रतिबन्ध लगाएको हो ।

उनीहरूले इरानको ब्यालेस्टिक मिसाइल र ड्रोन उत्पादनसँग जोडिएका आपूर्ति संयन्त्रको नेटवर्क चलाएको अमेरिकाको आरोप छ । जसमध्ये केहीले इस्लामिक रिभोल्युसनरी गार्ड कोर्प्स (आईआरजीसी) सँग मिलेर काम गरेको आरोप लगाउँदै अमेरिकाले प्रतिबन्ध लगाएको बीबीसीले जनाएको छ ।

अमेरिकी विदेश विभागले प्रेस वक्तव्य जारी गर्दै प्रतिबन्धसँग जोडिएका जानकारी दिएको छ ।

जसअनुसार यो कदम २७ सेप्टेम्बरमा संयुक्त राष्ट्रसंघले इरानमाथि लगाएको प्रतिबन्धलाई पुन: लागू गर्ने निर्णयलाई समर्थन गर्दै लिइएको विदेश विभागले भनेको छ ।

परमाणु कार्यक्रमबारे अन्तर्राष्ट्रिय सम्झौतापछि इरानमाथिको प्रतिबन्ध हटाइएको थियो । तर, यसै वर्षको सेम्टेम्बरमा राष्ट्रसंघले १० वर्षपछि पुन: इरानमाथि व्यापकस्तरमा आर्थिक र सैन्य प्रतिबन्ध लगाएको छ ।