२०८२ माघ ८ गते १७:२६ 
News Summary
Generated by OK AI. Editorially reviewed.- राष्ट्रिय लिग फुटबलअन्तर्गत एनआरटीले काँक्रेविहार युथ क्लबलाई २-० गोलअन्तरले पराजित गरेको छ।
- एनआरटीका तिमोथी र रनदिप पौडेलले क्रमशः दोस्रो र ३४औं मिनेटमा गोल गरेका थिए।
- एनआरटीले ३ खेलबाट ६ अंक जोडेर तेस्रो स्थानमा उक्लिएको छ भने काँक्रेविहारले लगातार तेस्रो हार बेहोरेको छ।
८ माघ, काठमाडौं । राष्ट्रिय लिग फुटबलअन्तर्गत बिहीबार भएको दोस्रो खेलमा न्युरोड टिम (एनआरटी) ले सुर्खेतको काँक्रेविहार युथ क्लबलाई पराजित गरेको छ ।
एन्फा कम्प्लेक्समा भएको खेलमा एनआरटीले काँक्रेविहारलाई २-० गोलअन्तरले पराजित गरेको हो । पहिलो हाफमै गरेको २ गोलले एनआरटी विजयी भएको हो ।
एनआरटीको जितमा तिमोथी र रनदिप पौडेलले एक-एक गोल गरे । खेलको दोस्रो मिनेटमै तिमोथीले गोल गरेका थिए भने ३४औं मिनेटमा रनदिपले गोल थपे ।
दोस्रो हाफमा कुनै गोल भएनन् र एनआरटी २-० ले विजयी भयो । लिगमा एनआरटीको यो दोस्रो जित हो । ३ खेलबाट ६ अंक जोडेको एनआरटी तेस्रो स्थानमा उक्लिएको छ ।
काँक्रेविहारले भने लगातार तेस्रो हार बेहोरेको छ ।
प्रतिक्रिया 4