News Summary
Generated by OK AI. Editorially reviewed.- धनुषाका २३ वर्षीय अमितकुमार यादवलाई टिकटकमा गालीगलौज गरी आत्महत्या दुरुत्साहन मुद्दामा वैशाख २९ गते सप्तरी प्रहरीले पक्राउ गरेको छ।
- मनिषा कुमारी मण्डललाई टिकटक लाइभमा अश्लिल गालीगलौज गरेको आरोपपछि उनी विषाधी सेवन गरी चैत १४ गते विराटनगर शिक्षण अस्पतालमा मृत्यु भएकी थिइन्।
- अमितकुमारमाथि अनुसन्धान जारी छ र उनले न्यु स्टार आईडीबाट महिलाहरूलाई लक्षित गर्दै अश्लिल भाषा प्रयोग गरेका भिडियोहरू बनाउँदै आएका थिए।
३१ वैशाख, सप्तरी । धनुषा घर भएका एक जना टिकटकर आत्महत्या दुरुत्साहन मुद्दामा पक्राउ परेका छन् । पक्राउ पर्नेमा धनुषाको गणेशमानचारनाथ नगरपालिका-८ का २३ वर्षीय अमितकुमार यादव छन् ।
उनलाई वैशाख २९ गते पक्राउ गरिएको जिल्ला प्रहरी सप्तरीका प्रहरी नायव उपरीक्षक एवम् प्रवक्ता डम्बर बहादुर पुरीले जानकारी दिए ।
तिलाठी कोइलाडी वडा नम्बर ४ की मनिषा कुमारी मण्डललाई अमित कुमार यादव समेतले टिकटक लाइभमा बसी अश्लिल गाली गलौज गरेको आरोप छ ।
सो घटनापछि मनिषाले विषाधी सेवन गरेको र विराटनगर शिक्षण अस्पतालमा उपचारको क्रममा चैत १४ गते मृत्यु भएको थियो ।
सो घटनापछि अमितकुमारविरुद्ध चन्दनकुमार मण्डल धानुकले आत्महत्या दुरुत्साहन मुद्दामा जाहेरी दिएका थिए । सोही जाहेरीका आधारमा यादवलाई पक्राउ गरेको सप्तरी प्रहरीले जनाएको छ ।
प्रहरी नायव उपरीक्षक पुरीका अनुसार अमितकुमारमाथि अनुसन्धान जारी छ । यसअघि पनि धनुषा प्रहरीले टिकटकमा आपत्तिजनक सामग्री राखेको भन्दै यादवलाई पक्राउ गरेको थियो ।
पछिल्लो समय उनले न्यु स्टार आईडीमार्फत् महिलाहरूलाई लक्षित गर्दै गालीगलौज, अश्लिल भाषा प्रयोग गर्दै भिडियोहरू बनाउँदै आएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4