News Summary
Generated by OK AI. Editorially reviewed.- झापाको मेचीनगरमा सिटी सफारी र जिप एकआपसमा ठोक्किँदा ४० वर्षीया आरती उराउको मृत्यु भएको छ ।
- सुनसरीको इटहरीमा ट्रकको ठक्करबाट ७५ वर्षीया पैदलयात्री पद्मकुमारी खड्काको मृत्यु भएको छ ।
- दुवै दुर्घटनाका सम्बन्धमा प्रहरीले थप अनुसन्धान गरिरहेको छ र दुवै घटनाका सवारी चालकलाई नियन्त्रणमा लिएको छ ।
४ साउन, काठमाडौं । झापा र सुनसरीमा भएको छुट्टाछुट्टै सवारी दुर्घटनामा दुई जनाको मृत्यु भएको छ ।
प्रहरीका अनुसार झापाको मेचीनगर नगरपालिका-१५ कालिकास्थित सडकमा प्र.१-०१-००२ ह ७८०५ नम्बरको सिटी सफारी र बाप्र ०१-००२ झ ७३६० नम्बरको जिप एकआपसमा ठोक्किएर दुर्घटना हुँदा एक जनाको मृत्यु भएको छ ।
सोमबार बिहान भएको दुर्घटनामा सिटी सफारीमा सवार सोही नगरपालिका-१५ की ४० वर्षीया आरती उराउको मृत्यु भएको हो ।
दुर्घटनामा परी गम्भीर घाइते भएकी उनको प्रादेशिक अस्पताल भद्रपुरमा उपचारको क्रममा मृत्यु भएको प्रहरीले जनाएको छ ।
सिटी सफारी चालक र जिप चालकलाई प्रहरीले नियन्त्रणमा लिएको छ ।
यसैगरी सुनसरीको इटहरी उपमहानगरपालिका-४ हलगडा चोकस्थित सडकमा प्रदेश १-२-००२ ख १३२८ नम्बरको ट्रकको ठक्करबाट एक जना पैदलयात्रीको मृत्यु भएको छ ।
प्रहरीका अनुसार ट्रकको ठक्करबाट सोही उपमहानगरपालिका-५ बस्ने ७५ वर्षीया पद्मकुमारी खड्काको सोमबार बिहान मृत्यु भएको हो ।
ट्रकको ठक्करबाट गम्भीर घाइते भएकी उनको न्यूरो अस्पताल विराटनगरमा उपचारको क्रममा मृत्यु भएको हो ।
प्रहरीले ट्रक चालकलाई नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4