२३ भदौ, हुम्ला । ताँजाकोट गाउँपालिका-३ चाखुरेमा रहेको गाउँपालिकाको कार्यालयमा भएको आगलागी घटनाको अनुसन्धानका लागि प्रहरीले दुई जनालाई पक्राउ गरेको छ ।
जिल्ला प्रहरी कार्यालय हुम्लाका सूचना अधिकारी युवराज ढकालको संयोजकत्वमा गठित छानबिन समितिले यही भदौ ७ गते राति करिब १ बजे भएको आगलागीको घटनामा संलग्न भएको आरोपमा उनीहरूलाई पक्राउ गरिएको बताए ।
उनका अनुसार घटनापछि जिल्ला प्रहरी कार्यालय हुम्लाबाट अनुसन्धान टोली घटनास्थलमा खटिएको थियो । प्रारम्भिक अनुसन्धानका क्रममा ताँजाकोट गाउँपालिका-४ गल्लाबाडाका करिब ४७ वर्षीय कृष्णचन्द्र जैसी र गाउँपालिकाको स्वास्थ्य शाखामा कार्यरत कर्मचारी करिब ४५ वर्षीय धनराज ढकाल घटनामा संलग्न देखिएपछि पक्राउ गरिएको सूचना अधिकारी ढकालले बताए ।
पक्राउ परेका दुवै जनालाई कानुन बमोजिम हुम्ला जिल्ला अदालतमा उपस्थित गराई अदालतबाट ७ दिनको म्याद थप गरिएको छ ।
उनीहरूमाथि थप अनुसन्धान भइरहेका र आगलागीको वास्तविक कारण तथा घटनामा उनीहरूको संलग्नतासम्बन्धी थप तथ्य अनुसन्धान पूरा भएपछि खुल्ने प्रहरीले जनाएको छ ।
आगलागीबाट जिन्सी शाखामा राखिएको काठको र्याग चारवटा, सुत्ने खाट एउटा, टेबल एउटा, सोलारको ब्याट्री एकसहित आर्थिक वर्ष २०७३/०७४ देखि हालसम्मका कागजातहरु जलेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4