News Summary
Generated by OK AI. Editorially reviewed.- रुकुम पश्चिमको सानीभेरी गाउँपालिका–६ देउताखोलामा जिप सडकबाट करिब ५० मिटर तल खस्दा चालकसहित २ जनाको घटनास्थलमै मृत्यु भएको छ ।
- मृतकमध्ये त्रिवेणी गाउँपालिका–रुघाका चालक सुन्दर खड्का मगर र सानीभेरी गाउँपालिका–६ की अन्दाजी १५–१६ वर्षीया प्रेमकला पुन रहेको प्रहरीले जनाएको छ ।
- दुर्घटनामा ९ जना घाइते भएका छन्, जसमध्ये ३ देखि ४ जनाको अवस्था गम्भीर रहेकाले हेलिकप्टरमार्फत सुर्खेत लैजान माग गरिएको छ ।
२८ भदौ, सुर्खेत । रुकुम पश्चिमको सानीभेरी गाउँपालिका–६ देउताखोलामा जिप दुर्घटना हुँदा मृत्यु भएका दुई जनाको सनाखत भएको छ । दुर्घटनामा चालकसहित दुई जनाको घटनास्थलमै मृत्यु भएको हो ।
जिल्ला प्रहरी कार्यालय रुकुम पश्चिमका प्रमुख प्रहरी नायव उपरीक्षक (डीएसपी) वेदबहादुर पौडेलका अनुसार मृत्यु हुनेमा त्रिवेणी गाउँपालिका–रुघाका चालक सुन्दर खड्का मगर र सानीभेरी गाउँपालिका–६ की अन्दाजी १५–१६ वर्षीया प्रेमकला पुन रहेका छन् ।
कोटगाउँबाट सानीभेरी गाउँपालिकाकै सिम्ली आउँदै गरेको लु १ च ६०२९ नम्बरको जिप देउताखोलामा सडकबाट करिब ५० मिटर तल खसेर दुर्घटना भएको हो ।
दुर्घटनामा नौ जना घाइते भएका छन् । तीमध्ये तीनदेखि चार जनाको अवस्था गम्भीर रहेको प्रहरीले जनाएको छ । अन्य घाइतेको अवस्था मध्यमदेखि सामान्य रहेको छ ।
गम्भीर घाइतेलाई थप उपचारका लागि सुर्खेत लैजान हेलिकप्टर माग गरिएको छ । सानीभेरी गाउँपालिकाले घाइतेको उद्धारका लागि हेलिकप्टर उपलब्ध गराइदिन जिल्ला प्रशासन कार्यालय रुकुम पश्चिमलाई पत्राचार गरेको छ ।
गाउँपालिकाको मागअनुसार गृह मन्त्रालयमा हेलिकप्टरका लागि पत्र पठाइसकिएको प्रमुख जिल्ला अधिकारी निशानराज गौतमले जानकारी दिए ।
सानीभेरीदेखि सुर्खेतसम्म हेलिकप्टरमार्फत घाइतेको उद्धार गर्नुपर्ने अवस्था रहेकाले गाउँपालिकाले उद्धार खर्च व्यहोर्ने गरी तत्काल हेलिकप्टर उपलब्ध गराउन आग्रह गरेको उनले बताए ।
दुर्घटनापछि स्थानीय, प्रहरीलगायतको सहयोगमा घाइतेको उद्धार गरी उपचारका लागि पठाउने काम भइरहेको प्रहरीले जनाएको छ ।
प्रशासनको सूचना :
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4