News Summary
Generated by OK AI. Editorially reviewed.- रसुवा र नुवाकोटमा बाढीबाट प्रभावित परिवारका लागि एएचजेड एसोसिएट्स नेपाल र डीएमएच फाउण्डेसनले नुवाकोटको विदुर क्षेत्रमा राहत वितरण गरेका छन्।
- उनीहरूले बाढीपीडित परिवारलाई खाद्यान्न र दैनिक जीवनयापनका लागि आवश्यक आधारभूत सामग्री उपलब्ध गराएका छन्।
- डीएमएच फाउण्डेसनका अध्यक्ष क्याप्टेन एकेएम गोलाम किब्रियाले विपद्को समयमा पीडितको साथमा उभिनु सबैको साझा जिम्मेवारी भएको बताए।
२८ भदौ, नुवाकोट । रसुवा र नुवाकोटमा आएको बाढीबाट प्रभावित परिवारका लागि एएचजेड एसोसिएट्स नेपाल र बंगलादेशको डा. मोस्तफा हाजेरा फाउन्डेसन (डीएमएच फाउण्डेसन) ले संयुक्त रूपमा राहत वितरण गरेका छन्।
संस्थाहरूले नुवाकोटको विदुर क्षेत्रमा पुगेर बाढीपीडित परिवारलाई खाद्यान्न तथा दैनिक जीवनयापनका लागि आवश्यक आधारभूत सामग्री वितरण गरेका हुन्।
राहत वितरणका क्रममा एएचजेड एसोसिएट्स नेपालको टोलीले प्रभावित परिवारसँग प्रत्यक्ष भेट गरी उनीहरूको अवस्था र आवश्यकताबारे जानकारीसमेत लिएको थियो। राहत अभियानका लागि आवश्यक आर्थिक सहयोग डीएमएच फाउन्डेसन, बंगलादेशले उपलब्ध गराएको थियो।
राहत व्यवस्थापन तथा प्रभावित परिवारसम्म सामग्री पुर्याउने कार्यमा एएचजेड एसोसिएट्स नेपालका कर्मचारी तथा स्वयंसेवक सहभागी भएका थिए।
डीएमएच फाउन्डेसनका अध्यक्ष क्याप्टेन एकेएम गोलाम किब्रियाले विपद्को समयमा पीडितको साथमा उभिनु सबैको साझा जिम्मेवारी भएको बताए।
उनले नेपालका बाढी प्रभावित परिवारलाई सहयोग गर्न पाएकोमा गौरवान्वित भएको उल्लेख गर्दै सहयोग प्रत्यक्ष समुदायसम्म पुर्याउन सहकार्य गरेकोमा एएचजेड एसोसिएट्स नेपाललाई धन्यवाद दिए।
फाउन्डेसनले आफ्ना संस्थापक तथा संरक्षक जाहिरुल इस्लाम र गोलाम मोर्तुजालगायतको मार्गदर्शन तथा सहयोगमा मानवीय सहायता अभियान सञ्चालन गर्दै आएको जनाएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4