२०८३ असोज ५ गते ८:२२ 
News Summary
Generated by OK AI. Editorially reviewed.- जापानको आइची–नागोयामा जारी २०औं एसियन गेम्सको महिला चाङछ्वानमा नेपालकी सुस्मिता तामाङले ९.५८० अंकसहित १६ मध्ये १३औं स्थान हासिल गरिन्।
- आइची प्रिफेक्चुरल मार्सल आर्ट्स हलमा सम्पन्न फाइनलमा हङकङकी लिडिया हुई यु शामले ९.७१३ अंकसहित स्वर्ण जितिन्।
- मकाउकी चो मानले ९.७१० अंकसहित र इन्डोनेसियाकी युजेनिया दिवा विडोडोले ९.७०६ अंकसहित क्रमशः रजत र कांस्य जितिन्।
५ असोज, काठमाडौं । जापानको आइची–नागोयामा जारी २०औं एसियन गेम्सअन्तर्गत महिला चाङछ्वान (Changquan) विधामा नेपालकी सुस्मिता तामाङ १३औं स्थानमा रहेर प्रतियोगिता टुङ्ग्याएकी छन् ।
आइची प्रिफेक्चुरल मार्सल आर्ट्स हलमा सम्पन्न फाइनलमा सुस्मिताले ९.५८० अंक प्राप्त गर्दै १६ प्रतिस्पर्धीमध्ये १३औं स्थान हासिल गरिन् ।
नेपाल उसु महासंघले सुस्मिताले प्राप्त गरेको अंक उत्कृष्ट भएको भन्दै बधाई दिएको छ ।
हङकङकी लिडिया हुई यु शाम ९.७१३ अंक सहित स्वर्ण जितिन् भने मकाउकी चो मान ९.७१० अंक सहित रजत र इन्डोनेसियाकी युजेनिया दिवा विडोडो ९.७०६ अंक सहित कांस्य पदक विजेता बनिन् ।
यसअघि आइतबार सम्पन्न महिला ताइजिच्वान तथा ताइजिजियान विधामा नेपालकी सविता राई १०औं स्थानमा रहेकी थिइन् ।
प्रतिक्रिया 4