२०८३ असोज ४ गते २०:४५ 
News Summary
Generated by OK AI. Editorially reviewed.- इंग्लिस प्रिमियर लिगमा म्यान्चेस्टर सिटीले आइतबार राति घरेलु मैदान इतिहादमा सन्डरल्यान्डलाई ५-३ ले हराएको छ।
- सिटीका एन्टोइन सेमेन्योले २ गोल, रायन चेर्की, एन्जो फर्नान्डेज र एर्लिङ हालान्डले १-१ गोल गरे।
- सन्डरल्यान्डका ब्रायन ब्रोबेले ह्याट्रिक गरे पनि टोली हारबाट जोगिन सकेन, र सिटी ५ खेलमा १५ अंकसहित शीर्षस्थानमा छ।
४ असोज, काठमाडौं । इंग्लिस प्रिमियर लिग अन्तर्गत आइतबार बेलुका म्यान्चेस्टर सिटी र सन्डरल्यान्डबीच भएको आठ गोलको रोमाञ्चक खेलमा सिटी ५-३ ले विजयी भएको छ ।
घरेलु मैदान इतिहादमा भएको खेलमा सिटीले बर्नमाउथलाई ५-३ गोलअन्तरले पराजित गरेको हो । सिटीको जितमा एन्टोइन सेमेन्योले २ गोल गर्दा रायन चेर्की, एन्जो फर्नान्डेज र एर्लिङ हालान्डले १-१ गोल गरे ।
सन्डरल्यान्डका ब्रायन ब्रोबेले ह्याट्रिक गरेपनि हार टार्न भने सकेनन् ।
खेलको नवौं मिनेटमा एन्जोले शानदार गोल गर्दै सिटीलाई अग्रता दिलाएका थिए । १२औं मिनेटमा ब्रोबेले बराबरी गोल फर्काए ।
२९औं मिनेटमा चेर्कीले गोल गर्दै सिटीलाई फेरि अग्रता दिलाए पनि ३३औं मिनेटमा ब्रोबेले फेरि गोल गरे । ४३औं मिनेटमा सेमेन्योले गोल गरेपछि पहिलो हाफमा सिटी ३-२ ले अगाडि रहेको थियो ।
दोस्रो हाफको ५७औं मिनेटमा सेमेन्योले फेरि गोल गरे भने ब्रोबेले ५९औं मिनेटमा ह्याट्रिक गरेपछि खेल ४-३ को अवस्थामा पुगेको थियो ।
हालान्डले ८१औं मिनेटमा गोल गरेपछि सिटी ५-३ ले अगाडि बढ्यो । त्यसपछि थप गोल भएनन् ।
जितपछि शीर्षस्थानको सिटीको ५ खेलमा १५ अंक भएको छ ।
प्रतिक्रिया 4